მიხეილ სარჯველაძე - მინდა სურვილი გამოვთქვა, რომ ლევან იოსელიანი სახალხო დამცველის თანამდებობაზე იყოს კრიტიკული, მწვავეც, მაგრამ ნაკლებად პოლიტიკურად ანგაჟირებული

მინდა სურვილი გამოვთქვა, რომ ლევან იოსელიანი სახალხო დამცველის თანამდებობაზე იყოს კრიტიკული, მწვავეც, მაგრამ ნაკლებად პოლიტიკურად ანგაჟირებული - ეს არის ფაქტორები, რის გამოც იოსელიანი მხარდაჭერას იმსახურებდა და რაც მისი მთავარი ღირსება იქნება, - აღნიშნული განცხადება პარლამენტის ადამიანის უფლებათა დაცვის კომიტეტის თავმჯდომარემ მიხეილ სარჯველაძემ ლევან იოსელიანის მოსმენის შემდეგ გააკეთა.

როგორც სარჯველაძემ აღნიშნა, "რა წამს ოპოზიციამ ნახა, რომ ომბუდსმენის პოლიტიკურად ანგაჟირებულობა ნაკლებად მოსალოდნელი იყო, სახალხო დამცველის ანგარიშის მოსმენას თითო-ოროლა ოპოზიციონერი ესწრებოდა, რაც ძალიან ცუდად გამოიყურებოდა".

ამასთან, სარჯველაძის ინფორმაციით, სახალხო დამცველის ანგარიშზე პარლამენტის დადგენილების პროექტი მზად არის და დოკუმენტს კენჭი მომდევნო სასესიო კვირას ეყრება.

სარჯველაძის თქმით, პარლამენტის დადგენილების პროექტში სახალხო დამცველის რეკომენდაციების უდიდესი უმრავლესობა ასახულია.

"შევეცადეთ მაქსიმალურად კონსტრუქციულად მივდგომოდით, იმის მიუხედავად, ცალკეულ შეფასებებს ვეთანხმებოდით თუ არა. მეტწილად, წარმოდგენილ ანგარიშში უფრო მეტად პოლიტიკურად მიკერძოებით არის ჩამოყალიბებული, რაც ახსნადია, რადგან ეს ანგარიში არამოქმედი სახალხო დამცველის მიერ არის შედგენილი", - განაცხადა მიხეილ სარჯველაძემ.

ცნობისთვის, დოკუმენტი, რომელიც ლევან იოსელიანმა პარლამენტს გააცნო, მისი წინამორბედის ნინო ლომჯარიას მიერ არის მომზადებული.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
„საქკაბელმა“ ენერგეტიკულ გამოფენაზე ახალი პროდუქცია წარადგინა
მედიაჰოლდინგ „ჯორჯიან თაიმსის” ბიზნეს რეიტინგის XXIII დაჯილდოების ცერემონიაზე PSP-მ 3 ჯილდო მიიღო
GM PHARMA-ს მორიგი აღიარება და საერთაშორისო PIC/S GMP სერტიფიკატი