ნინო თანდილაშვილი -  რაჭის ტყეებსა და მის მიმდებარედ განსაკუთრებული დაცულობის ტერიტორიის შექმნა სამონადირეო მეურნეობის ლიცენზიის მოქმედების ვადის გადახედვას გამოიწვევს

გარემოს დაცვისა და სოფლის მეურნეობის მინისტრის მოადგილის, ნინო თანდილაშვილის განცხადებით, რაჭის ტყეებსა და მის მიმდებარედ განსაკუთრებული დაცულობის ტერიტორიის შექმნა სამონადირეო მეურნეობის ლიცენზიის მოქმედების ვადის გადახედვას გამოიწვევს.

როგორც თანდილაშვილმა ჟურნალისტებს განუცხადა, „ქართული კანონმდებლობა კონკრეტულ მოთხოვნებს აწესებს, თუ რა შემთხვევაში შეიძლება შეწყდეს ლიცენზიის მოქმედების ვადა“.

„სახელმწიფო მოქმედებს კანონმდებლობის შესაბამისად და არ შეიძლება, რომ საკუთარი სურვილისამებრ, კანონის მოთხოვნების უგულებელყოფით შევუწყვიტოთ ნებისმიერ ინვესტორს ნებისმიერი ლიცენზია და ნებართვა. ეს პროცესი გრძელდება. განსაკუთრებული ტერიტორიის სტატუსის მინიჭება თავის მხრივ, გამოიწვევს ლიცენზიის მოქმედების ვადის გადახედვასაც. თუ ვსაუბრობთ განსაკუთრებული დაცულობის ტერიტორიის სტატუსის შექმნაზე, ეს ერ იქნება თანხვედრაში ამ ტიპის საქმიანობასთან“,- განაცხადა ნინო თანდილაშვილმა.

შეგახსენებ, რომ რაჭაში სამონადირეო მეურნეობის ლიცენზია შპს „ეიჩ ჯი კაპრა კაუკასიკას“ აქვს, რომელიც ბიზნესმენ დავით ხიდაშელთან არის დაკავშირებული.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 18.07.2024
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის