ვასო ურუშაძე - თბილისში საცობები ყოველდღიურ პრობლემად იქცა - თამამად შეგვიძლია ვთქვათ, რომ კახა კალაძის სატრანსპორტო პოლიტიკამ კრახი განიცადა

თბილისში გაუვალი საავტომობილო საცობები ყოველდღიურ პრობლემად იქცა - თამამად შეგვიძლია ვთქვათ, რომ კახა კალაძის სატრანსპორტო პოლიტიკამ კრახი განიცადა, - ამის შესახებ "ერთიანი ნაციონალური მოძრაობის“ ანტიკორუფციული მიმართულების მდივანმა, ვასო ურუშაძემ მარშალ გელოვანის გამზირზე, საცობებთან დაკავშირებით გამართულ ბრიფინგზე განაცხადა.

ადგილზე შეკრებილები იყვნენ "ნაციონალური მოძრაობის წევრები", რომლებსაც ხელში ეჭირათ სურათები წარწერით - "საცობებით სავსე ქალაქი"; "სატრანსპორტო კრახი"; "არა კალაძის საცობებს".

როგორც ურუშაძემ აღნიშნა, "ნაციონალური მოძრაობა" აპირებს, თბილისელების ინტერესები დაიცვას და ყველა იმ ინფრასტრუქტურული პროექტის შესრულებას მოითხოვს, რომელიც თბილისელების ყოველდღიურობას მნიშვნელოვნად შეცვლის.

"თბილისში ყოველდღიურ პრობლემად იქცა გაუვალი საავტომობილო საცობები და ეს ყველაფერი გამოწვეულია არასწორი სატრანსპორტო პოლიტიკით. თამამად შეგვიძლია ვთქვათ, რომ კახა კალაძის სატრანსპორტო პოლიტიკამ კრახი განიცადა. მარშალ გელოვანის გამზირზე უნდა აშენებულიყო ორდონიანი ესტაკადა და დაკიდული ხიდი, რომელიც მნიშვნელოვნად განტვირთავდა აღნიშნულ სატრანსპორტო კვანძს, კონკრეტულად, ვეფხვი და მოყმის მიმდებარე ტერიტორიას, თუმცა როგორც სხვა პროექტები, ესეც შემოიდო თაროზე. 2017 წელს იყო კალაძის წინასაარჩევნო დაპირება, რაც სამჯერ გადავადდა. სამჯერ გადაიდო და ეს არის კახა კალაძის და "ქართულ ოცნების" კორუფციული ინტერესების შედეგი," - განაცხადა ურუშაძემ.

ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო