დავით მათიკაშვილი - არა თუ კარვის დადგმა, გერმანიის ბუნდესტაგს ვერც კი მიუახლოვდებით, ინგლისის პარლამენტთან გარკვეულ რადიუსზე მისვლისას კი, პოლიციამ შეიძლება უმკაცრესი ზომები გამოიყენოს - ჩვენ მიერ მიღებული კანონპროექტი დემოკრატიულია

არა თუ კარვის დადგმა, გერმანიის ბუნდესტაგის შენობას ვერც კი მიუახლოვდებით, ხოლო ინგლისში, პარლამენტის შენობასთან გარკვეულ რადიუსზე მისვლის შემთხვევაში, სამართალდამცავმა ორგანოებმა ყოველგვარი გაფრთხილების გარეშე შეიძლება ძალიან მკაცრი ზომები გამოიყენონ - ჩვენ მიერ მიღებული კანონპროექტი დემოკრატიულია და გამყარებულია პრაქტიკით, რომელიც წამყვან ევროპულ ქვეყნებშია, - ასე უპასუხა „ქართული ოცნების“ წევრმა დავით მათიკაშვილმა „შეკრებისა და მანიფესტაციების შესახებ“ კანონში განხორციელებულ ცვლილებებზე დასმულ კითხვას, რომელსაც პრეზიდენტმა ხელი არ მოაწერა და პარლამენტს უკან დაუბრუნა.

მათიკაშვილი იმასაც ამბობს, რომ უმრავლესობის მიერ მიღებულ კანონპროექტს ევროპული სასამართლოს გადაწყვეტილებები ამყარებს.

„კანონპროექტი პრევენციულად გამიზნულია იმ ადამიანების სიცოცხლის დასაცავად, ვინც მიტინგებზე პროტესტს გამოთქვამს. პრეზიდენტის, რადიკალური ოპოზიციის თუ სხვა ძალების მხრიდან საკითხით მანიპულირება და მის წინააღმდეგ წასვლა ადასტურებს, რომ დიახ, რადიკალურ ძალებს საქართველოში დესტაბილიზაციის მოწყობის სურვილი გააჩნიათ.

ამ თემაზე სუს-ის უფროსის მხრიდან ყველა კითხვას ამომწურავი და სათანადოდ არგუმენტირებული პასუხი გაეცა. ყველაფერი დანარჩენი არის ინსინუაცია და სიტუაციის ისეთ რეჟიმში გადატანის მცდელობა, რასაც რეალურად ადგილი არა აქვს“, - განაცხადა დავით მათიკაშვილმა.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის