„ევროპული საქართველოს“ თავმჯდომარე, გიგა ბოკერია გერმანიის კანცლერის ოლაფ შოლცის მიერ გაკეთებულ განცხადებას გამოეხმაურა, რომელმაც არალეგალური მიგრაციის კონტროლის გამკაცრების საჭიროებაზე ისაუბრა და აღნიშნა, რომ გერმანიამ ადამიანთა დეპორტაცია უფრო ხშირი და ჩქარი ტემპით უნდა დაიწყოს.
როგორც გიგა ბოკერიამ აღნიშნა, ეს პრობლემა საქართველოსთვის ივანიშვილის რეჟიმის პირობებში საშუალო, ან გრძელვადიან პერსეპქტივაში განსაკუთრებით სახიფათო შეიძლება იყოს.
„მე დიდი იმედი მაქვს, რომ ამ ხელისუფლების ცვლილება იქამდე მოხდევა, ვიდრე ეს ზიანი კიდევ უფრო გაღრმავდება და ევროკავშირში საქართველოსთვის ასეთ საზიანო გადაწყვეტილებას მიიღებენ. აქვე, ჩვენს მოქალაქეებს უნდა შევახსენო, იმ ფაქტმა, რომ ჯერ კონკრეტული შედეგი არ დამდგარა და ფასი არ გადაგვიხდია, არ უნდა მოგვატყუოს და არ დაგვანახოს ხიფათი, რომელიც მოგველის, თუ ეს პროცესები გაღრმავდა. ვგულისხმობ იმ ვითარებას, როდესაც მოქალაქეები უვიზო მიმოსვლით სარგებლობენ და ტოვებენ არალეგალურად ქვეყანას, ხოლო ამ დროს გვყავს ხელისუფლება, რომელიც ევროკავშირთან საგნობრივი დისკუსიის ნაცვლად, საჯარო დაპირისპირებაშია, რითაც იზოლაციაში გვახვედრებს და ჩვენი საფრთხეების წინაშე მარტოებს გვტოვებს”, - განაცხადა გიგა ბოკერიამ.
აღნიშნულ ინფორმაციას „ევროპული საქართველო“ ავრცელებს.