ანა წითლიძე - გახარია სანამ სხვის დასრულებაზე ისაუბრებს, მანამდე პასუხი უნდა აგოს 20 ივნისზე, ია კერზაიას საქმეზე, პასუხი უნდა გასცეს თუ როგორ მოხდა, რომ მისი პრემიერობის დროს შეიქმნა რუსული აგენტურული ქსელი

გახარია სანამ სხვის დასრულებაზე ისაუბრებს, მანამდე პასუხი უნდა აგოს 20 ივნისზე, ია კერზაიას საქმეზე, ასევე პასუხი უნდა გასცეს თუ როგორ მოხდა, რომ ამ ქვეყანაში მისი პრემიერ -მინისტრობის დროს შეიქმნა რუსული აგენტურული ქსელი, - ამის შესახებ „ერთიანი ნაციონალური მოძრაობის“ დეპუტატმა, ანა წითლიძემ განაცხადა, რითაც პარტია „საქართველოსთვის“ ლიდერის, გიორგი გახარიას განცხადებას გამოეხმაურა.

მისივე თქმით, გიორგი გახარიამ მუქარამდე ძალიან ბევრ კითხვას უნდა უპასუხოს.

„გახარიას მუქარა დასრულებაზე ჩვენ ერთხელ უკვე ვნახეთ, შემდეგ თვითონ დასრულდა. რაც შეეხება პასუხისმგებლობას, გახარიამ ჯერ თვითონ პასუხი უნდა აგოს ძალიან ბევრ რამეზე ამ ქვეყანაში. მაგალითად პასუხი უნდა აგოს ია კერზაიას საქმეზე, 20 ივნისის საქმეზე, გახარიამ ძალიან ბევრ კითხვას უნდა გასცეს პასუხი. უნდა უპასუხოს იმასაც, როდესაც თვითონ იყო საქართველოს პრემიერ -მინისტრი, როგორ მოხდა, რომ ამ ქვეყანაში რუსეთის აგენტურული ქსელი იქმნებოდა?!“ - განაცხადა წითლიძემ.

ცნობისთვის, ტვ პირველის“ ინფორმაციით, პარტია "საქართველოსთვის" მომავალ საპარლამენტო არჩევნებზე კოალიციას რომელიმე ოპოზიციურ პარტიასთან გამორიცხავს. თუმცა პარტიის წევრი, მიხეილ დაუშვილი ადასტურებს, რომ პარტიის ლიდერებს მოლაპარაკებები აქვთ ყოფილ მინისტრებსა და დეპუტატებთან, რომელთა შორისაც არიან „ქართული ოცნების" ყოფილი მაღალჩინოსნებიც. ამასთან, პარტია „საქართველოსთვის“ ლიდერები აცხადებენ, რომ „ამ ქვეყანაში “ნაცების” და “ოცნების” მმართველობა ისტორიას უნდა ჩაბარდეს, მაგრამ ისინი არ უნდა გაქრნენ, საკუთარ ქმედებებზე პასუხისმგებლობა უნდა აიღონ“.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო