ირაკლი ქადაგიშვილი - ანაკლიის პორტის არსებობის შემთხვევაში, რა შეუშლიდა რუსეთს ხელს, ოჩამჩირეში სამხედრო გემი განეთავსებინა?! - აშშ-ი შეუშლიდა?! ახლა უშლის ხელს უკრაინაში ამხელა ომი რომ აქვს გაჩაღებული?!

ანაკლიის პორტის არსებობის შემთხვევაში, რა შეუშლიდა რუსეთს ხელს, რომ ოჩამჩირეში სამხედრო გემი განეთავსებინა?! - აშშ-ი შეუშლიდა?! ახლა უშლის აშშ-ი ხელს უკრაინაში ამხელა ომი რომ აქვს გაჩაღებული?! - ასე უპასუხა უმრავლესობის დეპუტატმა ირაკლი ქადაგიშვილმა კითხვას, ანაკლიის პორტის არსებობის შემთხვევაში რამდენად იქნებოდა თავიდან აცილებული ოჩამჩირეში რუსეთის სამხედრო პორტის განთავსების საფრთხე.

როგორც ამ კონტექსტში ქადაგიშვილმა აღნიშნა, “ერთმანეთთან აბსურდულ დაკავშირებებს აქვს ადგილი“.

მისივე თქმით, დღეს არსებული მდგომარეობით ოჩამჩირის პორტი რუსეთის ფლოტილიას ვერ მიიღებს.

“მისი ინფრასტრუქტურა და მოცულობა იმდენად მცირეა, რომ სევასტოპოლის საზღვაო ფლოტს იქ ფიზიკურად ვერანაირად ვერ დაატევს. აქვს მცირე აკვატორია, სადაც შეიძლება საზღვაო სანაპირო დაცვის კატარღა განთავსდეს.

რუსეთის აგრესია და ოკუპაცია არის უკვე მომხდარი და მიმდინარე ფაქტი, მიმდინარე პროცესი. თუ დამატებითი ქმედება განხორციელდება, ეს მიმდინარე აგრესიის, ოკუპაციის და ანექსიის გაგრძელება იქნება.

როგორც მთავრობამ, ასევე, საგარეო საქმეთა სამინისტრომ შესაბამისი განცხადებები უკვე გააკეთა. დანარჩენი თუ ვინმეს ჰგონია, რომ საქართველომ იქ რაიმე სამხედრო ხასიათის ჩარევა უნდა გააკეთოს, ასეთი პროვოკაციული განცხადებებისგან ყველამ თავი შეიკავოს“, - განაცხადა ირაკლი ქადაგიშვილმა.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის