სტრასბურგში, ევროპის საბჭოს თვითმმართველობათა და რეგიონული კონგრესის, რიგით 45-ე სესიაზე ,,ნაციონალური მოძრაობის“ წევრი და ევროპის საბჭოს ადგილობრივ თვითმმართველობათა კონგრესის ვიცე-პრეზიდენტი სევდია უგრეხელიძე სესიაზე სიტყვით წარსდგა

სტრასბურგში, ევროპის საბჭოს თვითმმართველობათა და რეგიონული კონგრესის, რიგით 45-ე სესია იმართება, სადაც „ერთიანი ნაციონალური მოძრაობის“ წევრები იმყოფებიან.

ამის შესახებ ინფორმაციას „ნაციონალური მოძრაობა” ავრცელებს.

„ერთიანი ნაციონალური მოძრაობის“ წევრი და ევროპის საბჭოს ადგილობრივ თვითმმართველობათა კონგრესის ვიცე-პრეზიდენტი სევდია უგრეხელიძე სესიაზე სიტყვით გამოვიდა.

უგრეხელიძემ უკრაინაში რუსეთის ფართომასშტაბიან ომზე ისაუბრა.

„საკითხი მდგომარეობს შემდეგში - როგორია ადგილობრივ ხელისუფლებათა როლი უკრაინისათვის ამ ურთულეს დროს? მე ვფიქრობ, ჩვენ ყველაფერი უნდა გავაკეთოთ, რომ უკრაინის დახმარება გაგრძელდეს და გაძლიერდეს, ევროპა არ უნდა შეურიგდეს ამ ომს. გვახსოვს, რომ ევროპის საბჭოს საპარლამენტო ასამბლეამ რუსეთს შეჩერებული ხმის უფლება აღუდგინა, მიუხედავად იმისა, რომ მან არ შეასრულა ვალდებულებები და საპასუხოდ პუტინმა დაიწყო ახალი აგრესიული ომი. ამიტომ ჩვენ, როგორც ხალხთან ყველაზე ახლოს მყოფი პოლიტიკოსები, უნდა ვესაუბროთ მოქალაქეებს, ამომრჩევლებს, ავუხსნათ, რომ მათი პატარა ეკონომიკური და ყოფითი პრობლემები არაფერია უკრაინელების დაღვრილ სისხლთან, ათასობით მოკლულთან შედარებით. თუ არ სურთ იხილონ ახალი ბუჩა და მარიუპოლი, თუ არ სურთ მკვლელი აგრესორების ნახვა საკუთარ სახლებში, უარი თქვან რუსულ გაზსა და ნავთობზე, მოითხოვონ საკუთარი მთავრობებისგან უკრაინის მეტი მხარდაჭერა. აუხსენით, რომ აგრესორი არასდროს შეჩერდება თუ უკრაინამ არ გაიმარჯვა. მათთვის გაგზავნილი იარაღით კი უპირველესად იცავენ საკუთარ თავს. მჯერა, რომ ესაა საჭირო, რეალური მოქმედება ადგილობრივ დონეზე და ჩვენ ეს შეგვიძლია“, - განაცხადა სევდია უგრეხელიძემ.

სესიას ასევე ესწრება „ერთიანი ნაციონალური მოძრაობის“ პოლიტსაბჭოს თავმჯდომარის მოადგილე თათია ნიკოლაშვილი, რომელიც რეგიონულ კონგრესზე ხვალ სიტყვით წარდგება.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავის ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო