საქართველოს პარლამენტის დელეგაციამ ყირიმის საერთაშორისო პლატფორმის პრაღის სამიტის ფარგლებში ორმხრივი შეხვედრები გამართა

„ყირიმის პლატფორმის" საპარლამენტო სამიტის ფარგლებში საქართველოს საპარლამენტო დელეგაციის წევრებმა - პარლამენტის თავმჯდომარის მოადგილემ არჩილ თალაკვაძემ, ევროპასთან ინტეგრაციის კომიტეტის თავმჯდომარემ მაკა ბოჭორიშვილმა და საგარეო ურთიერთობათა კომიტეტის თავმჯდომარის პირველმა მოადგილემ მარიამ ლაშხმა ორმხრივი შეხვედრები გამართეს ფინეთის პარლამენტის სპიკერთან იუსი ჰალლა-აჰოსთან, საბერძნეთის პარლამენტის პირველ ვიცე-სპიკერთან იოანის პლაკიოტაკისთან, ავსტრიის ფედერალური საბჭოს პრეზიდენტთან კლაუდია არპასთან და შვედეთის პარლამენტის ვიცე-სპიკერთან კერსტინ ლუნდგრენთან.

ამის შესახებ ინფორმაციას პარლამენტის პრესსამსახური ავრცელებს.

მათივე ცნობით, შეხვედრებზე განიხილეს საქართველოს ევროკავშირში გაწევრიანებასთან დაკავშირებული საკითხები, ევროკომისიის რეკომენდაციების შესრულების პროგრესი, მიმდინარე წლის დეკემბერში საქართველოსთვის კანდიდატის სტატუსის მინიჭების მნიშვნელობა.

„ხაზი გაესვა საქართველოს მიერ ბოლო წლებში მიღწეულ პროგრესს, წარმატებულ რეფორმებს, რაც ქმნის საფუძველს საქართველოსათვის ევროკავშირის წევრობის კანდიდატის სტატუსის დამსახურებულად მინიჭებისათვის. ასევე განხილულ იქნა გეოპოლიტიკური კონტექსტი, რაც ხაზს უსვამს ევროკავშირში ინტეგრაციის დაჩქარების საჭიროებებს.

,,ყირიმის პლატფორმის" საპარლამენტო სამიტზე სიტყვით მიმართვისას არჩილ თალაკვაძემ ასევე ხაზი გაუსვა საქართველოს ევროკავშირში ინტეგრაციის დაჩქარების მნიშვნელობას ევროპის უსაფრთხო მომავლის უზრუნველყოფის მიზნით“, - აღნიშნულია გავრცელებულ ინფორმაციაში.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ევროკავშირი პროგრამა „განათლება დასაქმებისთვის” ფარგლებში მნიშვნელოვან შედეგებს აქვეყნებს
TNET-ის რეგისტრაციის ოფისი უძრავი და მოძრავი ქონების გაფორმებისა და რეგისტრაციისთვის თბილისში
.ge დომენი წელიწადი 1 ლარად - Domenebi.ge-ს მომხმარებლებს დომენების 2 წლით შეძენა 51 ლარად შეუძლიათ
გაზრდილი სიჩქარე, უცვლელი ფასი