ხათუნა სამნიძე - „ქართული ოცნების“ პროპაგანდის მოლოდინში არ გავჩუმდები და არ დავმალავ სიმართლეს, რაც აუცილებელია გაჟღერდეს, რომ ქვეყანამ სწორი ნაბიჯები გადადგას - ქვეყანას სჭირდება კანდიდატის სტატუსი

„ქართული ოცნების“ პროპაგანდის მოლოდინში არ გავჩუმდები და არ დავმალავ სიმართლეს, რაც აუცილებელია გაჟღერდეს, რომ ქვეყანამ სწორი ნაბიჯები გადადგას, - ამის შესახებ “რესპუბლიკური პარტიის” თავმჯდომარე ხათუნა სამნიძემ განაცხადა, რითაც უპასუხა კითხვას, ხომ არ უწყობს ხელს მისი განცხადებები, სადაც ის არ საუბრობს სახელებსა და გვარებზე, „ქართული ოცნების“ გზავნილების გაძლიერებას, რომ ოპოზიცია ხელს უშლის სტატუსის მიღებას.

სამნიძის თქმით, ის არ აპირებს იმ პირების დასახელებას, ვინც პარტნიორებს ეუბნება, რომ სტატუსის მიცემა საქართველოს გადაუვადონ.

„მე ვსაუბრობ ქვეყნის ინტერესებიდან გამომდინარე და არა რომელიმე პოლიტიკური პარტიის, ან რომელიმე პოლიტიკური ფიგურის. ქვეყანას სჭირდება კანდიდატის სტატუსი, ჩემი საქმე არ არის კონკრეტულად ადამიანების დასახელება, ვინც სხვა ტიპის გზავნილებს უზიარებს პარტნიორებს. ჩემი საქმეა ვისაუბრო და მივმართო ჩემს კოლეგებს, თავად იციან ვინ აკეთებს ამას, რომ ეს შევწყვიტოთ და გავაგრძელოთ ერთიანი გზავნილოთ პოზიციონირება. არ ვაპირებ სახელებსა და გვარებზე ვილაპარაკო“, - განაცხადა სამნიძემ.

შეგახსენებთ, რომ როგორც „რესპუბლიკური პარტიის“ თავმჯდომარემ, ხათუნა სამნიძემ ტელეკომპანია „პალიტრანიუსის“ გადაცემა „პოლიტიკური სივრცეში“ განაცხადა, ოპოზიციის რიგებში არიან ადამიანები, რომლებიც ევროპელ პარტნიორებთან დახურულ კარს მიღმა საუბრობენ იმაზე, რომ საქართველოსთვის ევროკავშირის წევრობის კანდიდატის სტატუსის მიღება უნდა გადავადდეს და 2024 წლის არჩევნების შემდეგ მიენიჭოს საქართველოს სტატუსი. როგორც სამნიძემ აღნიშნა, ოპოზიციონერ კოლეგებს მოუწოდა, შეწყვიტონ საქართველოს კანდიდატის სტატუსის მიღების დამაზიანებელი გზავნილების გავრცელება.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია