ირაკლი კობახიძე მელიაზე - თავმოყვარეობის საკითხია - რატომ უნდა გინდოდეს მაინცდამაინც გარიცხვა, როცა შეგიძლია შენ თვითონ დატოვო ის პარტია, სადაც ხაბეიშვილთანაც კი წააგე თავმჯდომარეობის არჩევნები?!

თავმოყვარეობის საკითხია... რატომ უნდა გინდოდეს მაინცდამაინც გარიცხვა, როცა შეგიძლია შენ თვითონ დატოვო ის პარტია, სადაც ხაბეიშვილთანაც კი წააგე თავმჯდომარეობის არჩევნები?!- ამის შესახებ ჟურნალისტებს „ქართული ოცნების“ თავმჯდომარემ ირაკლი კობახიძემ განუცხადა.

მისივე თქმით, მთავარია, „ნაციონალური მოძრაობა“ დაშლილია და კიდევ უფრო იშლება.

„მელიას უნდა, რომ მაინცდამაინც გარიცხონ პარტიიდან. თავმოყვარეობის საკითხია, ბუნებრივია, რატომ უნდა გინდოდეს მაინცდამაინც გარიცხვა, როცა შეგიძლია შენ თვითონ დატოვო ის პარტია, სადაც ხაბეიშვილთანაც კი წააგე თავმჯდომარეობის არჩევნები. ეს არის მათი საქმე. რაც მთავარია „ნაციონალური მოძრაობა“ დაშლილია, კიდევ უფრო მეტად იშლება. ეს არის კარგი იმისთვის, რომ, საბოლოო ჯამში, ჩვენ მომდევნო პარლამენტში მივიღოთ ისეთი პოლიტიკური სპექტრი, რომელიც წაადგება ჩვენი ქვეყნის განვითარების ინტერესებს“, - განაცხადა კობახიძემ.

რაც შეეხება ახალი საარჩევნო სუბიექტების სავარაუდო შექმნას, კობახიძის თქმით, 2-3%-იანი სუბიექტების შექმნა ოპოზიციის მხარეს, „ოცნების“ საარჩევნო პოზიციებს კიდევ უფრო გააძლიერებს.

„ყველაფერს დრო გამოაჩენს, კარგი ისაა, რომ იქმნება ძალიან ბევრი 2-3%-იანი პოლიტიკური სუბიექტი, შესაბამისად ეს კიდევ უფრო მეტად გააძლიერებს ჩვენს საარჩევნო პოზიციებს. კარგია ასეთი ტენდენცია, როგორც მიდის პროცესები.

2-3%-იანი სუბიექტების შექმნა ოპოზიციის მხარეს კარგია. რაც მეტი ხმა დაეკარგება კოლექტიურ „ნაციონალურ მოძრაობას“ მით უფრო გაძლიერდება ჩვენი საარჩევნო პოზიციები“, - განაცხადა კობახიძემ.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის