მამუკა მდინარაძე - შეგვიძლია დავასახელოთ ვის აქვს სიმწვავე განცხადებებში და ვინ იხვეწება, რომ ქვეყანას კანდიდატის სტატუსი არ მისცენ - იქნებ ინამუსონ და ბოლომდე თქვან, ვინ არის ამ საქმიანობით დაკავებული

შეგვიძლია დავასახელოთ განსაკუთრებით ვის აქვს სიმწვავე განცხადებებში და ვინ იხვეწება, რომ ქვეყანას კანდიდატის სტატუსი არ მისცენ - „სტრატეგია აღმაშენებელი“ და „ნაცმოძრაობა, „ლელო“ და ნიკა გვარამია, რომელსაც ჯერ არ გადაუწყვეტია, რომელ ფლანგს შეეკედლოს და სად დაიდოს თავისი პოლიტიკური ბინა. ეს სამი სუბიექტია, - ამის შესახებ ფრაქცია „ქართული ოცნების“ თავმჯდომარემ მამუკა მდინარაძემ ჟურნალისტებს განუცხადა, რითაც გამოეხმაურა „რესპუბლიკური პარტიის“ თავმჯდომარის, ხათუნა სამნიძის განცხადებას, რომ „ოპოზიციის რიგებში არიან ადამიანები, რომლებიც ევროპელ პარტნიორებთან დახურულ კარს მიღმა საუბრობენ იმაზე, რომ საქართველოსთვის ევროკავშირის წევრობის კანდიდატის სტატუსის მიღება უნდა გადავადდეს“.

მამუკა მდინარაძის თქმით, ამაზე წელიწადზე მეტია „ქართული ოცნება“ საუბრობს.

„გვეკამათებიან, როგორ გავბედეთ და როგორ ვიკადრეთ იმის თქმა და ფიქრი, რომ „ნაცმოძრაობის“ სხვადასხვა კლასტერი როგორ ეხვეწება საელჩოების, პარტნიორული ორგანიზაციების წარმომადგენლებს, ჩვენ ევროპელ კოლეგებს, რომ „ქართული ოცნების“ პირობებში ქვეყანამ კანდიდატის სტატუსი ვერ მიიღოს ან თუ მიიღებს, ეს მოხდეს არჩევნების შემდეგ, გადავადდეს ეს თემა. ამ მავნებლობით არიან დაკავებულები და უკვე გასკდა ეს ამბავი იმ ადამიანების შიგნით, ვინც ამით იყვნენ დაკავებულები. კონკრეტულად შეგვიძლია დავასახელოთ განსაკუთრებით ვის აქვს სიმწვავე ამ განცხადებებში და ვინ იხვეწება, რომ ქვეყანას კანდიდატის სტატუსი არ მისცენ - „სტრატეგია აღმაშენებელი“ და „ნაცმოძრაობა, „ლელო“ და ნიკა გვარამია, რომელსაც ჯერ არ გადაუწყვეტია, რომელ ფლანგს შეეკედლოს და სად დაიდოს თავისი პოლიტიკური ბინა. ეს სამი სუბიექტია. მე დავაზუსტე ახლა, სამნიძის და დეკანოიძის ინფორმაცია. არ ვიცი, გაუჭირდებათ თუ არა ამის აღიარება კონკრეტიკის დონეზე, მაგრამ თუ გნებავთ ჰკითხეთ, იქნებ ინამუსონ და ბოლომდე თქვან, ვინ არის განსაკუთრებით ამ საქმიანობით დაკავებული. ისე, ერთმანეთს არავინ ჩამოუვარდება, მაგრამ უფრო მეტად ვინ არის გამორჩეული ხვეწნა-მუდარით ევროპელი პარტნიორების მიმართ [ჩანს]“, - განაცხადა მდინარაძემ.

შეგახსენებთ, რომ როგორც „რესპუბლიკური პარტიის“ თავმჯდომარემ, ხათუნა სამნიძემ ტელეკომპანია „პალიტრანიუსის“ გადაცემა „პოლიტიკური სივრცეში“ განაცხადა, ოპოზიციის რიგებში არიან ადამიანები, რომლებიც ევროპელ პარტნიორებთან დახურულ კარს მიღმა საუბრობენ იმაზე, რომ საქართველოსთვის ევროკავშირის წევრობის კანდიდატის სტატუსის მიღება უნდა გადავადდეს და 2024 წლის არჩევნების შემდეგ მიენიჭოს საქართველოს სტატუსი. როგორც სამნიძემ აღნიშნა, ოპოზიციონერ კოლეგებს მოუწოდა, შეწყვიტონ საქართველოს კანდიდატის სტატუსის მიღების დამაზიანებელი გზავნილების გავრცელება.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო