პრემიერი - „აბრეშუმის გზის ფორუმი“, რომელიც ჩემი ინიციატივით დაფუძნდა, 2015 წელს, იქნება კარგი შესაძლებლობა, წარმოვაჩინოთ ჩვენი ქვეყანა, როგორც ერთ-ერთი ყველაზე საინტერესო და მომხიბვლელი ადგილი გეოგრაფიული თვალსაზრისით

ხვალ, მოგეხსენებათ, რომ ვუმასპინძლებთ Silk Road Forum-ს, „აბრეშუმის გზის ფორუმს“, რომელიც ჩემი ინიციატივით დავაფუძნე 2015 წელს, - ამის შესახებ საქართველოს პრემიერ-მინისტრმა ირაკლი ღარიბაშვილმა ბრიუსელში, ჟურნალისტებს განუცხადა.

მისივე თქმით, ფორუმზე მონაწილეობას 60 ქვეყნის, 2000-ზე მეტი დელეგატი მიიღებს, რაც იქნება კარგი შესაძლებლობა, რომ კიდევ ერთხელ წარმოჩინდეს საქართველო, როგორც საინტერესო ქვეყანა გეოგრაფიული თვალსაზრისით.

„ფორუმი იქნება ძალიან კარგი შესაძლებლობა, რომ ჩვენ წარმოვაჩინოთ ჩვენი ქვეყანა, როგორც ერთ-ერთი ყველაზე საინტერესო და მომხიბვლელი, ასე ვთქვათ, ადგილი გეოგრაფიული თვალსაზრისით, ასევე ზოგადად საინვესტიციო და საერთოდ ამ დიდი პროექტით, რომელსაც ჰქვია „შუა დერეფნის“ განვითარება. ამიტომ, ვფიქრობ, ეს ყველაფერი საბოლოო ჯამში ჩვენს ინტერესს ემსახურება და ამას გარდა, რომ ახლა მინდა თქვენს კითხვას დავუბრუნდე და ვუპასუხო, მე ჩემს გამოსვლაში ვისაუბრე, რომ საქართველომ ძალიან გამჭვირვალე პროცესი განახორციელა და ამ თორმეტივე რეკომენდაციას ჩვენ მაქსიმალურად ვუპასუხეთ. ჩვენ შევასრულეთ, მაქსიმუმი გავაკეთეთ, რაც შესაძლებელი იყო ამ მოკლე პერიოდში", - განაცხადა პრემიერმა.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო