BBC - ევროკავშირის ლიდერები დღეს, სავარაუდოდ, ისრაელი-„ჰამასის“ ომში ჰუმანიტარულ პაუზას მხარს დაუჭერენ

ევროკავშირის ლიდერები დღეს ბრიუსელში სამიტს გამართავენ და სავარაუდოდ, მხარს დაუჭერენ მოწოდებას ისრაელი-„ჰამასის“ ომში ჰუმანიტარული პაუზის შესახებ.

ამის შესახებ ინფორმაციას BBC-ი ავრცელებს.

ევროპული საბჭოს პრეზიდენტის, შარლ მიშელის განცხადებით, ღაზაში ჰუმანიტარული ვითარების გაუარესება სერიოზული შეშფოთების საგანია და ლიდერები მზად არიან, ხელი შეუწყონ მშვიდობიანი მოსახლეობის წვდომას საკვებთან, წყალთან, სამედიცინო დახმარებასთან, საწვავსა და თავშესაფართან.

ევროკავშირის ლიდერები იმედოვნებენ, რომ ეს უფრო უსაფრთხო პირობებს შექმნის 200-ზე მეტი მძევლის გასათავისუფლებლად, რომლებიც „ჰამასის“ შეიარაღებულმა პირებმა 7 ოქტომბრის თავდასხმის დროს დააკავეს.

BBC-ი წერს, რომ ევროკავშირის წევრ ქვეყნებს მკვეთრად განსხვავებული შეხედულებები აქვთ და ეს ყველაფერი ძალიან დამაბნეველ სურათს ქმნის. ზოგიერთს შენიშვნები აქვს ბრძოლის შეჩერების მოწოდებასთან დაკავშირებით და ამტკიცებს, რომ ეს შეიძლება ჩაითვალოს ისრაელის თავდაცვის უფლების შეზღუდვად. გერმანიამ, ავსტრიამ, უნგრეთმა და ჩეხეთმა ისრაელის მხარდაჭერის მტკიცე პოზიცია დაიკავეს. ესპანეთისა და ირლანდიის პოზიცია კი უფრო მეტად პალესტინასთანაა თანხვედრაში.

„ევროკავშირი წარმოადგენს 27 ქვეყანას, რომლებსაც ფუნდამენტურად საპირისპირო შეხედულებები აქვთ ახლო აღმოსავლეთის შესახებ“, - განაცხადა ევროკავშირის ერთ-ერთმა დიპლომატმა BBC-თან საუბარში.

გამოცემა წერს, რომ ეს ნათელი გახდა მიმდინარე კვირის დასაწყისში ევროკავშირის საგარეო საქმეთა მინისტრების შეხვედრის დროს, როდესაც, გავრცელებული ინფორმაციით, გერმანიის საგარეო საქმეთა მინისტრი, ანალენა ბერბოკი ჰუმანიტარული მიზნით ცეცხლის შეწყვეტის წინააღმდეგ გამოვიდა იმ საბაბით, რომ „ჰამასი“ ჯერ კიდევ ისროდა რაკეტებს ისრაელისკენ. შედეგად, ევროკავშირი დღემდე ვერ შეთანხმდა იმაზე, თუ რა სახის პაუზაა საჭირო.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია