ზურაბ პოლოლიკაშვილი - „აბრეშუმის გზის ფორუმი“ ძალიან მნიშვნელოვანი და დროულია დღევანდელ გარემოში, როცა რეგიონში სხვადასხვა სახის გამოწვევებია

გაერო-ს მსოფლიო ტურიზმის ორგანიზაციის გენერალური მდივნის, ზურაბ პოლოლიკაშვილის განცხადებით, „თბილისის აბრეშუმის გზის ფორუმი“ მნიშვნელოვანი და დროული ღონისძიებაა, რეგიონში არსებული გამოწვევების ფონზე.

ამასთან, მისივე თქმით, ჩინეთის ბაზრის გახსნა და ჩინეთის მოქალაქეებისთვის უვიზო რეჟიმის შემოღება ქართულ ეკონომიკას დიდ სარგებელს მოუტანს.

„ის, რომ მასშტაბური დელეგაციები ესწრებიან და ამდენი სხვადასხვა ქვეყნის წარმომადგენელია ჩამოსული, ტურიზმის ნაწილიცაა წარმოდგენილი ამ ფორუმზე. აქედან გამომდინარე, ეს ფორუმი ძალიან მნიშვნელოვანი და დროულია დღევანდელ გარემოში, როცა სხვადასხვა სახის გამოწვევებია რეგიონში. რამდენიმე თვეა, რაც ჩინეთის ბაზარი გაიხსნა, ჩინეთი ერთ-ერთი ყველაზე დიდი ბაზარია ტურიზმის სექტორში. ჩვენ მხარს ვუჭერთ ამ ღონისძიებას. ამასთან, ჩინეთის მოქალაქეებისთვის უვიზო რეჟიმიც ძალაში რამდენიმე კვირის წინ შევიდა. ეს ხელს შეუწყობს ჩინელი ტურისტების ვიზიტებს. ეს ძალიან დიდი ნაბიჯია. ბევრი ქვეყანა ინვესტიციას ახდენს ჩინელი ტურისტების მოსაზიდად, ეს მარტივი სვლით გაკეთდა და დარწმუნებული ვარ, საკმაოდ დიდ სარგებელს მოუტანს ქართულ ეკონომიკას. რაც შეეხება პოსტპანდემიურ სიტუაციას, პოსტპანდემიური სიტუაციის შემდეგ მარტო საქართველოში არა, მთელს მსოფლიოში და იმ ქვეყნებში განსაკუთრებით, სადაც ტურიზმის სექტორი იყო განვითარებული ძალიან მალე მოხდა ყველაფრის აღდგენა. მსოფლიოში 85%, ევროპაში კი 90%-ითაა აღდგენილი ტურისტების რაოდენობა 2019 წელთან შედარებით. მოხარული ვარ, რომ რეგიონული განვითარება სწრაფად მიდის. ჩვენი ქვეყანა მრავალფეროვანია, კომპაქტურია და აუცილებელია, რომ რეგიონული განვითარება სწორად და თანმიმდევრულად მოხდეს, რაც ხდება კიდეც. ასევე, კერძო სექტორი პარალელურად მიყვება ამ განვითარებას, ჩნდება ახალი სასტუმროები, ახალი ტურისტული ობიექტები. ეს, საბოლოო ჯამში, მოუტანს იმ ადამიანებს სარგებელს, ვინც ამ სექტორში არიან დასაქმებულები“, - განაცხადა პოლოლიკაშვილმა.

კორნელი კაკაჩია - თუ ხელისუფლებას უნდა ქვეყანამ ევროპული მიმართულებით  თანმიმდევრულად იაროს, მან უნდა შექმნას პირობები, რომ ამ გზაზე პოლიტიკურ სპექტრში და საზოგადოებაში ფართო კონსენსუსი იქნას მიღწეული
რა ხდება ბანკებისა და სადაზღვევო კომპანიების ურთიერთობაში? - ინტერვიუ დაზღვევის კავშირის აღმასრულებელ მდივანთან, ლაშა ნიკოლაძესთან
ქართული პრესის მიმოხილვა 30.11.2023
1 იანვრიდან შპს „თელავგაზის“ არასაყოფაცხოვრებო (კომერციული) მომხმარებლებისთვის ბუნებრივი გაზის საფასური შეიცვლება
1 იანვრიდან შპს „სოკარ ჯორჯია გაზისა“ და სს „საქორგგაზის“ არასაყოფაცხოვრებო (კომერციული) მომხმარებლებისთვის ბუნებრივი გაზის საფასური შეიცვლება
CROSSOVER: კიდევ ერთის ძალა - ლურჯი ოკეანე ახალ, ყოველწლიურ ბიზნესღონისძიებას იწყებს
ზუმერის e-Commerce ევოლუცია - 5 მთავარი სიახლე zoommer.ge-ზე
სილქნეტი - დაჭრილ მებრძოლთა მხარდასაჭერად სამხედრო ატაშეების მარათონი გაიმართა
1 დეკემბერი - შიდსის მსოფლიო დღე - შიდსის ჯანდაცვის ფონდი გვახსენებს - „ჯერ არ დასრულებულა“
„ნექსია საქართველოს“ მმართველი პარტნიორი, გელა მღებრიშვილი Nexia-ს ქსელის EMEA-ს ბორდის წევრად აირჩიეს
სილქნეტი და Visa პირველ ერთობლივ აქციას აანონსებენ
გერმანული ტექნოლოგიით წარმოებული „იტონგის“ აირბლოკი, კომუნალური ხარჯების 40%-მდე დაზოგვის საშუალებას იძლევა - ინოვაცია ქართულ ბაზარზე