„ნაციონალური მოძრაობის“ და „სტრატეგია აღმაშენებლის“ კოალიცია, კამპანიის ფარგლებში, აშშ-ს სენატში და სახელმწიფო დეპარტამენტში შეხვედრებს აგრძელებენ

„ერთიანი ნაციონალური მოძრაობის“ და „სტრატეგია აღმაშენებლის“ კოალიცია, კამპანიის ფარგლებში, აშშ-ს სენატში და სახელმწიფო დეპარტამენტში შეხვედრებს აგრძელებენ. ამის შესახებ ინფორმაციას „ერთიანი ნაციონალური მოძრაობა“ ავრცელებს.

„ნაციონალური მოძრაობის“ ფრაქციის თავმჯდომარის, თინა ბოკუჩავას განცხადებით, ამერიკის შეერთებულ შტატებს ძალიან კარგად ესმის, რომ ახლა ქართველი ხალხისთვის უნიკალური შესაძლებლობაა, რომ საქართველომ წინ წაიწიოს ევროატლანტიკურ ინტეგრაციაში და პოსტ საბჭოთა სივრცე საბოლოოდ დატოვოს.

„გუშინ ძირითადი შეხვედრები კონგრესის წარმომადგენლობით პალატაში გვქონდა, დღეს უკვე შეხვედრები გვაქვს სენატში, ისევე როგორც სახელმწიფო დეპარტამენტში. ყველას ძალიან კარგად ესმის, რომ ახლა არის უნიკალური შესაძლებლობა ქართველი ხალხისთვის, რომ ერთხელ და სამუდამოდ გავიდეს საქართველო პოსტ საბჭოთა სივრციდან, წინ წავიწიოთ ევროატლანტიკურ ინტეგრაციაში, მაგრამ დღეს გვყავს ხელისუფლება, რომელიც ყველაფერს აკეთებს იმისთვის, რომ ხალხს წაართვას ეს არჩევანი. რა ბერკეტები გააჩნია აშშ-ს? სანქციები არის ერთ-ერთი ყველაზე მნიშვნელოვანი ბერკეტი, რომელიც აამუშავა აშშ-მ კორუმპირებულ მოსამართლეებთან და ოთარ ფარცხალაძესთან მიმართებაში. კონკრეტულად ის მოიხსენია, როგორც რუსი სამხედრო ოლიგარქი, რომელიც ცდილობდა „ეფესბეს” დახმარებით რუსული გავლენები გაეძლიერებინა ქართულ პოლიტიკაში რა ბუნებრივია, ეს არის პირდაპირი მინიშნება ივანიშვილზე. ასე რომ ჩვენ, რა თქმა უნდა, განვიხილეთ სანქციები და ასევე ის პოზიტიური დღის წესრიგი, რომელიც გააღრმავებს საქართველო-ამერიკის ურთიერთობებს. ამას აუცილებლად გავაკეთებთ მას შემდეგ, რაც შეიცვლება რუსული ხელისუფლება და ხელისუფლებაში პროდასავლური კოალიციური ძალების ერთობა მოვა, რომელიც გააღრმავებს ამ ძალიან მნიშვნელოვან სტრატეგიულ ურთიერთობას, რომელიც საქართველოს უნდა ჰქონდეს აშშ-თან სავაჭრო ურთიერთობებში, სტრატეგიულ ურთიერთობებში. ეს საქართველოსთვის ძალიან მნიშვნელოვანია”, - განაცხადა თინა ბოკუჩავამ.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია