პაატა მანჯგალაძე - ჰერჩინსკიმ ალბათ, დიპლომატიური ეტიკეტიდან გამომდინარე იხუმრა, რომ მედიის სანქცირების კანონი მოეწონა

ჰერჩინსკიმ ალბათ, დიპლომატიური ეტიკეტიდან გამომდინარე იხუმრა, რომ მედიის სანქცირების კანონი მოეწონა - მედიის და კარვების კანონი, იუსტიციის საბჭოში "ქართული ოცნების" აქტივისტის არჩევა არ შეიძლება ვინმეს მოსწონდეს,- ამის შესახებ "სტრატეგია აღმაშენებლის" წევრმა პაატა მანჯგალაძემ განაცხადა, რითაც ევროკავშირის ელჩის განცხადებას გამოეხმაურა.

ამასთან, მანჯგალაძის შეფასებით, ჰერჩინსკის გზავნილი, რომ წელიწადნახევარში მეტის გაკეთება შეიძლებოდა, ნიშნავს იმას, რომ ევროპაში კარგად ხედავენ, რეკომენდაციების შესრულების კუთხით ქვეყანაში არსებულ ვითარებას.

"ყოველდღიურ კომუნიკაციაშია მათ შორის, ხელისუფლებასთან და კარგად იცის, რომ 9 რეკომენდაცია არის შესასრულებელი. ეს გვითხრა ბორელმაც და მისი ჩამოსვლის შემდეგ თითი თითზე არ დაუკარებიათ. თუ ვინმე ფიქრობს, "ქართული ოცნების" აქტივისტები რომ აირჩიეს იუსტიციის საბჭოში, ამით რამე შეიცვალა, შემცდარა. რომ ჩათვალონ ეს შესრულებულად, მე ამის წინააღმდეგ არ წავალ, მაგრამ ევროპელები ჩვენზე კარგად ხედავენ, რა ხდება საქართველოში.

ელჩი არის ძალიან მაღალი რანგის დიპლომატი და დიპლომატიური ეტიკეტიდან გამომდინარე იხუმრა ალბათ, რომ კარვების კანონი, მედიის სანქცირების კანონი მოეწონა, გაგიჟდა საერთოდ, "ქართული ოცნების" აქტივისტები რომ აირჩიეს იუსტიციის საბჭოში და ხუმრობის ხასიათზე იყო. მე ვფიქრობ, ეს იუმორიდან არის, რადგან მედიის კანონი, კარვების კანონი არ შეიძლება მოსწონდეს ვინმეს და არც ის, რომ იუსტიციის საბჭოში აირჩიეს "ქართული ოცნების" აქტივისტი,"- განაცხადა მანჯგალაძემ.

საქართველოში ევროკავშირის ელჩის, პაველ ჰერჩინსკის განცხადებით, საქართველოსთვის კანდიდატის სტატუსის მინიჭების მიმართულებით ბევრი რამ გაკეთდა, თუმცა „წელიწად ნახევარში უფრო მეტის გაკეთება შეიძლებოდა“.

ჰერჩინსკიმ დაასახელა ის მიმართულებები, სადაც ნაბიჯები კვლავ გადასადგმელია, მათ შორის დეპოლარიზაცია და დეოლიგარქიზაცია.

მისივე თქმით, ჯოზეფ ბორელის ვიზიტის შემდეგ, ბევრ პოზიტიურ განვითარებას ჰქონდა ადგილი. მათ შორის „მაუწყებლობის შესახებ“ კანონზე მუშაობა და ურთიერთგაგების მემორანდუმი, რომელიც რამდენიმე სამოქალაქო საზოგადოებასთან გაფორმდა.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის