მსოფლიო ბანკის ევროპისა და ცენტრალური აზიის ინფრასტრუქტურის რეგიონალური დირექტორი - საქართველო-რუმინეთის დამაკავშირებელი წყალქვეშა კაბელი შექმნის საქართველოსთვის ექსპორტის ახალ ბაზარს

საქართველოს აქვს ენერგეტიკის დიდი პოტენციალი და სურს ექსპორტის ახალი ბაზრის განვითარება. სწორედ ამიტომ სურს მას საქართველო-რუმინეთის დამაკავშირებელი შავი ზღვის წყალქვეშა კაბელის შექმნა. ეს შექმნის საქართველოსთვის ექსპორტის ახალ ბაზარს, - ამის შესახებ მსოფლიო ბანკის ევროპისა და ცენტრალური აზიის ინფრასტრუქტურის რეგიონალურმა დირექტორმა ჩარლზ ჯეი კორმიერიმ ჟურნალისტებს განაცხადა.

„ჩვენ დღეს მოვისმინეთ, რომ საქართველოს ეკონომიკური ზრდა სწორ გზაზე დგას. რასაც ჩვენ ვაკეთებთ დაკავშირებადობის კუთხით, ვცდილობთ დავინახოთ, როგორ შეუძლია საქართველოს სავაჭრო ურთიერთობების განვითარება. დღევანდელი კონფერენციის დღის წესრიგში არის იმ საკითხის განხილვა, თუ როგორ შეიძლება საქართველოდან ტვირთის ეფექტურად ტრანზიტი, რომ მან მეზობლებთან ეფექტური სავაჭრო ურთიერთობა შეძლოს. საქართველოს აქვს ენერგეტიკის დიდი პოტენციალი და სურს ექსპორტის ახალი ბაზრის განვითარება. სწორედ ამიტომ სურს მას საქართველო-რუმინეთის დამაკავშირებელი შავი ზღვის წყალქვეშა კაბელის შექმნა. ეს შექმნის საქართველოსთვის ექსპორტის ახალ ბაზარს“, - აღნიშნა ჩარლზ ჯეი კორმიერიმ.

მან უკრაინაში რუსეთის შეჭრის შემდეგ შუა დერეფნის მნიშვნელობაზეც ისაუბრა.

რაც შეეხება „შუა დერეფანს“, უკრაინაში რუსეთის შეჭრის შემდეგ კი ჩვენ ვხედავთ, რომ უამრავ სატრანსპორტო და ლოგისტიკურ კომპანიას არ სურთ ჩრდილოეთ რუსეთში გავლა. და გაჩნდა იდეა მეორე მარშრუტის შექმნის, რომ ალტერნატივა გაჩენილიყო, ეს ცოტა უფრო ძვირია, მათთვის უფრო ძვირია. მაგრამ მე ვფიქრობ, რომ „შუა დერეფანი“ სიცოცხლისუნარიანია სხვა მიზეზის გამო. იდეა არის, რომ განვითარდეს რეგიონული ჰაბები, არ იყოს დამოკიდებულება დასავლეთ ჩინეთის დასავლეთ ევროპასთან ვაჭრობაზე, არამედ დაიწყოს რეგიონული ვაჭრობის განვითარება საქართველოსა და თურქეთს შორის, საქართველო ყაზახეთს შორის. ასე რომ, არსებითად, შუა დერეფანი იქნება ჰაბებისა და წარმოების სერია. შუა დერეფანი არ არის მხოლოდ დასავლეთ ჩინეთი, დასავლეთ ევროპა, არამედ არსებითად, რეგიონული სავაჭრო ჰაბი. ჩვენ ახლახან ჩავატარეთ კვლევა ამ დერეფნის შესახებ, რომელიც გამოქვეყნდება და თქვენ ნახავთ, რომ მას აქვს უზარმაზარი პოტენციალი, გაზარდოს ტრიგერები“, - აღნიშნა მსოფლიო ბანკის ევროპისა და ცენტრალური აზიის ინფრასტრუქტურის რეგიონალურმა დირექტორმა.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია