ნიკოლოზ სამხარაძე - ჩვენი ამოცანაა, მაქსიმალურად გაიზარდოს იმ ქვეყნების რაოდენობა, რომლებიც საქართველოს უჭერენ მხარს

პარლამენტის საგარეო ურთიერთობათა კომიტეტის თავმჯდომარის ნიკოლოზ სამხარაძის განცხადებით, საპარლამენტთაშორისო კავშირის (IPU) 147-ე ასამბლეაზე მყოფი საქართველოს საპარლამენტო დელეგაციის ამოცანაა, მაქსიმალურად გაიზარდოს იმ ქვეყნების რაოდენობა, რომლებიც მხარს უჭერენ საქართველოს.

„წელს, გაერო-ში საქართველოს შესახებ მომზადებულ რეზოლუციას მხარი 100-ზე მეტმა ქვეყანამ დაუჭირა. მათ შორის, ბევრმა მათგანმა, რეზოლუციას პირველად დაუჭირა მხარი და ეს ქვეყნები სწორედ აფრიკის კონტინენტიდან იყვნენ. ჩვენთვის მნიშვნელოვანია, რომ ეს მხარდაჭერა არ იყოს ერთჯერადი და გაგრძელდეს. შეხვედრებისას საქართველოს ტერიტორიულ მთლიანობასთან დაკავშირებით ვიღებთ დასტურს, რომ მათი პოზიცია არ გადაიხედება და ისინი ჩვენი ტერიტორიული მთლიანობის მხარდაჭერას გააგრძელებენ. დიდი იმედი მაქვს, რომ მომავალ წელს, როცა გაერო-ში ჩვენი საკითხი კიდევ ერთხელ დადგება, იმ ქვეყნების რაოდენობა გაიზრდება, რომლებიც რეზოლუციას დაუჭერენ მხარს“, - განაცხადა საგარეო ურთიერთობათა კომიტეტის თავმჯდომარემ.

მისი თქმით, შეხვედრებისას, საქართველოს პარლამენტის წევრები კოლეგებს, საქართველოში განხორციელებულ იმ რეფორმებზე ესაუბრნენ, რომელიც მოქალაქეებისთვის სერვისების მიწოდებას, საგადასახადო სისტემას, ბიზნესის კეთების სიმარტივეს ეხება.

„ამ ქვეყნების წარმომადგენლებს აინტერესებთ ჩვენს მიერ განხორციელებული რეფორმები. მათგან მივიღეთ არაერთი თხოვნა, რომ დავეხმაროთ განვითარებად სახელმწიფოებს ჩვენი გამოცდილებისა და წარმატებული რეფორმების შესახებ გამოცდილების გაზიარებაში“, - განაცხადა ნიკოლოზ სამხარაძემ.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო