თამარ კორძაია - "ქართული ოცნება" ყველაფერს აკეთებდა, რათა კანდიდატის სტატუსი არ მოგვნიჭებოდა - ამ პირობებში სტატუსის მოცემა, საბოლოოდ ხელისუფლების წარმატებად ჩაითვლება, რაც დიდი უსამართლობაა, თუმცა მაინც უნდა მივიღოთ

"ქართული ოცნება" მთელი თავისი საქმიანობით ყველაფერს აკეთებდა, რათა კანდიდატის სტატუსი არ მოგვნიჭებოდა - ამ პირობებში სტატუსის მოცემა, საბოლოოდ, მაინც ხელისუფლების წარმატებად ჩაითვლება, რაც დიდი უსამართლობაა, - ეს განცხადება ჟურნალისტებთან ოპოზიციონერმა დეპუტატმა თამარ კორძაიამ გააკეთა.

კორძაიამ ხაზგასმით აღნიშნა, რომ თუკი ქვეყანა ევროკავშირისგან კანდიდატის სტატუსს მიიღებს, ეს "ქართული ოცნების" ხელისუფლების დამსახურება არ იქნება.

"სტატუსის მიღება საქართველოსთვის და საქართველოს მოქალაქეებისთვის ძალიან მნიშვნელოვანია.

„დარწმუნებული ვარ, საერთაშორისო ვითარებიდან და ევროპელების ფართო ხედვიდან გამომდინარე ჩვენ კანდიდატის სტატუსი მოგვენიჭება. სამწუხაროა ის, რომ ამას "ქართული ოცნება" - როგორც ხელისუფლება - თავის პლუსად ჩაიწერს და არა საქართველოს მოქალაქეების ისტორიულ არჩევნად.

ამასთან, ყველამ ყველაფერი უნდა გააკეთოს იმისთვის, რომ ქვეყანამ სტატუსი მიიღოს იმის მიუხედავად, ვინ ოპოზიციაშია და ვინ - ხელისუფლებაში. მართალია, ვთვლი, რომ "ქართულმა ოცნებამ" ყველაფერი გააკეთა, რათა სტატუსი არ გვქონოდა, სტატუსის მიღება კი მაინც ამ ხელისუფლების პირობებში მიღებულად ჩაითვლება, რაც უსამართლობაა, ამის მიუხედავად, სტატუსი მაინც უნდა მივიღოთ!" - განაცხადა თამარ კორძაიამ.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია