აბრეშუმის გზის ფორუმი უნიკალური შესაძლებლობაა დავინახოთ, რომ საქართველო არ დგას მარტო, საერთაშორისო საზოგადოების ნაწილია და მნიშვნელოვან პლატფორმას უთმობს ადამიანებს შეიკრიბონ და ისაუბრონ ინოვაციებზე, ციფრულ ტრანსფორმაციაზე, - განაცხადა კომპანია Cardano Foundation - ის აღმასრულებელმა დირექტორმა ფრედერიკ გრეგაარდმა, რომელიც თბილისის აბრეშუმის გზის ფორუმში მონაწილეობს.

მისი თქმით, მნიშვნელოვანია ასეთი ღონისძიებები, რადგან ის „თავს უყრის სწორ ადამიანებს“, სწორ პლატფორმაზე.

„ქართველი ხალხისთვის ფორუმს მნიშვნელოვანი შედეგები ექნება - ახალი სამუშაო ადგილები, ეკონომიკური სტაბილურობა, ახალი შესაძლებლობები. ეს ყველაფერი საქართველოს აძლევს საშუალებას, კარგი სამუშაო გარემო შექმნას და დაიმკვიდროს ადგილი გლობალურ რუკაზე", - განაცხადა კომპანია Cardano Foundation - ის აღმასრულებელმა დირექტორმა.