სერბეთის ვაჭრობის მინისტრი - ჩვენ ერთად ვიმუშავებთ უკეთესი მომავლისთვის, უკეთესი გადაწყვეტილებისა და ახალი ეკონომიკური იდეებისთვის

ძალიან კარგი ურთიერთობა გვაქვს საქართველოსთან - სერბები პატივს სცემენ ქართველ ხალხს და ჩვენ პატივს ვცემთ თქვენს ტერიტორიულ სუვერენიტეტს. თბილისში პირველად ვარ და აღფრთოვანებული ვარ ამ ქალაქის სილამაზით, მას აქვს განსაკუთრებული ენერგია და მოხარული ვარ, რომ აქ ვიმყოფები მთელი მსოფლიოდან ჩამოსულ, გამორჩეულ მაღალჩინოსნებთან ერთად , - ამის შესახებ სერბეთის რესპუბლიკის შიდა და საგარეო ვაჭრობის მინისტრმა, ტომისლავ მომიროვიჩმა განაცხადა, რომელმაც 26 ოქტომბერს თბილისის "აბრეშუმის გზის ფორუმში" მიიღო მონაწილეობა.

როგორც მინისტრმა აღნიშნა, ძალიან მნიშვნელოვანია ფორუმის ფარგლებში ისეთი თემების განხილვა, როგორებიცაა ვაჭრობა, შესაძლებლობები, მშვიდობა, ასევე, მიდგომები, როგორ გაიზარდოს ინვესტიციები კავკასიის, ბალკანეთის რეგიონებსა და მთელი აბრეშუმის გზის გასწვრივ.

„ჩვენ ერთად ვიმუშავებთ უკეთესი მომავლისთვის, უკეთესი გადაწყვეტილებისთვის, ახალი ეკონომიკური იდეებისთვის. მეტი ინვესტიცია უნდა გამოვიმუშაოთ, უნდა უზრუნველვყოთ უკეთესი კავშირი ჩვენს ეკონომიკებსა და ქვეყნებს შორის", - განაცხადა მინისტრმა.

მისი შეფასებით, საქართველოსა და სერბეთს შორის პოლიტიკური ურთიერთობები კარგზე უკეთესია და ხალხს შორის, ტრადიციულად, ძალიან თბილი ურთიერთობაა.

„თუმცა, ჩვენ უნდა გავაუმჯობესოთ ეკონომიკური და სავაჭრო ურთიერთობები, ამიტომ ვარ აქ. გვექნება შეხვედრა ვიცე-პრემიერთან, საქართველოს ეკონომიკის მინისტრთან და დარწმუნებული ვარ, ვიპოვით ახალ პერსპექტივებს ჩვენი ინვესტორებისთვის, კომპანიებისთვის საქართველოსა და სერბეთიდან და, ასევე, ვიპოვით უკეთეს გადაწყვეტილებებს. დარწმუნებული ვარ, გავაგრძელებთ თანამშრომლობას უკეთესი მომავლისთვის", - აღნიშნა მომიროვიჩმა.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია