ლევან დავითაშვილი - ფორუმის ფარგლებში, მნიშვნელოვანი შეთანხმებები გაფორმდა, მათ შორის, შუა დერეფნის განვითარებისა და ასევე, ქართველი მეზღვაურების დასაქმების ხელშეწყობის კუთხით

ეკონომიკის მინისტრის, ლევან დავითაშვილის განცხადებით, ფორუმის ფარგლებში, შუა დერეფნის განვითარებისა და ქართველი მეზღვაურების დასაქმების ხელშეწყობის კუთხით, მნიშვნელოვანი შეთანხმებები გაფორმდა.

დავითაშვილის თქმით, აღნიშნული შუა დერეფანში კოორდინაციისა და ეფექტურობის გაზრდის თვალსაზრისით კონკრეტული შედეგია.

„გაცხადებული გვქონდა, რომ საქართველოში ერთობლივი კომპანია ჩამოყალიბდებოდა, რომელიც საქართველოს, აზერბაიჯანის და ყაზახეთის რკინიგზების მიერ დაფუძნდებოდა და ჩინეთიდან მომავალ კონტეინიზირებულ ტვირთებს მოემსახურებოდა. დღეს, აბრეშუმის გზის ფორუმის ფარგლებში, აღნიშნული კომპანიის დაფუძნებას ხელი მოეწერა, რაც მნიშვნელოვანი და კონკრეტული შედეგია შუა დერეფანში კოორდინაციისა და ეფექტურობის გაზრდის თვალსაზრისით“,- განაცხადა ლევან დავითაშვილმა.

მისი შეფასებით, ასეთი სინქრონიზებული ოპერაციებით და მეტი კოორდინაციით კონკურენტუნარიანობა კიდევ უფრო გაიზრდება.

„ასევე გამოვყოფ შეთანხმებას ყატარის სახელმწიფოსთან, რომელიც ქართველ მეზღვაურებს საშუალებას მისცემს, მათი კვალიფიკაცია ყატარის სახელმწიფოს მხრიდან აღიარებული იყოს, რომელსაც ყველაზე მსხვილი ფლოტი აქვს ქართველების სპეციალიზაციით და ეს ქართველ მეზღვაურებს დასაქმების ახალ შესაძლებლობებს მისცემს“, - განაცხადა მინისტრმა.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის