პაატა მანჯგალაძე - თუ ვინმე ამბობს, რომ იმ პირობებში, როცა 12-დან 9 რეკომენდაცია შეუსრულებელია, ზუსტად იცის, სტატუსს მოგვცემენ, პოლიტიკური თაღლითია

ისეთ პირობებში, როცა რეკომენდაციებიდან მხოლოდ 3-ია შესრულებული, სტატუსზე მარჩიელობა გვიწევს და თუ ვინმე ამბობს, ზუსტად იცის, რომ სტატუსს მოგვცემენ, პოლიტიკური თაღლითია, - ამის შესახებ ჟურნალისტებთან „სტრატეგია აღმაშენებლის“ დეპუტატმა პაატა მანჯგალაძემ განაცხადა.

როგორც მან აღნიშნა, იმედს იტოვებს, რომ ევროპა თავისი პრაგმატული ინტერესიდან გამომდინარე გადადგამს ნაბიჯს, რათა „საქართველო არ დარჩეს რუხ ზონად“.

„ევროპელებმა მოგვცეს კონკრეტული სამოქმედო გეგმა რეკომენდაციების სახით და ახლა 12- დან 10 მაინც რომ იყოს შესრულებული, პირდაპირ გეტყოდით, რომ სტატუსს მივიღებთ, რადგან ევროპა განწყობილია, რომ ქვეყანას სტატუსი მისცეს, მაგრამ ისეთ პირობებში, როცა 3-ია მხოლოდ შესრულებული და 9 შეუსრულებელი, გვიწევს მარჩიელობა. თუ ვინმე ამბობს, რომ ასეთ პირობებში ზუსტად იცის, რომ სტატუსს მოგვცემენ, პოლიტიკური თაღლითია, რადგან არავინ იცის, ევროპის გაფართოების პოლიტიკა ახლა იქნება, ხვალ თუ ზეგ. მე მიჭირს პროგნოზი, მაგრამ იმედს ვიტოვებ, რომ მიუხედავად ხელისუფლების საბოტაჟისა, კეთილ ნებას გამოიჩენს ევროპა, ასევე, მათი პრაგმატული ინტერესიდან გამომდინარე, გადადგამენ ნაბიჯს, რათა საქართველო არ დარჩეს რუხ ზონად და იყოს ევროპის ნაწილი. იმედს ვიტოვებ, რომ ევროპელები გეოპოლიტიკიდან გამომდინარე მისცემენ საქართველოს კანდიდატის სტატუსს“, - განაცხადა მანჯგალაძემ.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო