მიხეილ სააკაშვილი - როგორც არ უნდა შეეცადოთ ჩემს გაჩუმებას, მთავარია, რომ საქართველოში ვარ და აქტიურად ვაპირებ ქვეყნის გადარჩენის პროცესში ვიყო ჩართული - ჩვენ ვართ აბსოლუტური უმრავლესობა

მიუხედავად იმისა, როგორც არ უნდა შეეცადოთ ჩემს გაჩუმებას, იქნება ეს კლინიკაში, ციხეში, თუ სასამართლო სხვადასხვა განჩინების დროს, მთავარია, რომ საქართველოში ვარ და აქტიურად ვაპირებ საქართველოს გადარჩენის პროცესში ვიყო ჩართული, - ამის შესახებ საქართველოს მესამე პრეზიდენტმა, მიხეილ სააკაშვილმა სასამართლო პროცესზე ჩართვისას განაცხადა. მისივე განმარტებით, ის ელექტრონული საარჩევნო სისტემა, რომელიც საქართველოშია, თავიდან-ბოლომდე გაყალბებაზეა დაფუძნებული და მის შეცვლას „ერთად უნდა მივაღწიოთ“.

„შემდეგი არჩევნები, ეს საქართველოს ისტორიაში 1990 წლის შემდეგ ყველაზე მნიშვნელოვანი არჩევნებია. 1990 წელს კომუნისტურმა პარტიამ არჩევნები წააგო, „მრგვალი მაგიდა - თავისუფალი საქართველო“ მოვიდა სხვა ეროვნულ ძალებთან ერთად და მათ საქართველოს საბჭოთა კავშირიდან დახსნა მოახერხეს. ზუსტად ასეთივე გამოწვევების წინაშე ვართ ჩვენ დღეს. ეს სასამართლოც, ჩემი პატიმრობაც იმას უკავშირდება, რომ ისინი აპირებენ, უკან, საბჭოთა კავშირში დაგვაბრუნონ. ისინი აპირებენ, რომ მათი ყოფნა ჩააბეტონონ. ისინი არჩევნებით წასვლას არსად აპირებენ, ჩვენ ეს უნდა გვესმოდეს. ჩვენ ეს ვიცით, მაგრამ ეს არ ნიშნავს, რომ ისინი არ წავლენ. ისინი წავლენ, მაგრამ, როდესაც ჩვენ ერთობლივად, კოორდინირებულად და ერთმანეთთან შეთანხმებით ვიმოქმედებთ. ეს საარჩევნო სისტემა, რომელიც დღესაა მიღებული, ელექტრონული სისტემა - თავიდან-ბოლომდე გაყალბებაზე აგებული სისტემაა. ეს არის დაახლოებით ის, რაც რუსეთშია, პუტინმა რაც შემოიღო. ეს არის სისტემა, სადაც არჩევნებზე მიუხედავად იმისა, ვინ რა ხმას მიცემს, მეგობრებო, ერთი კაცი შუშის სასახლეში გადაწყვეტს, დაურეკავს საარჩევნო კომისიის თავმჯდომარეს და ეტყვის, რა პროცენტი უნდა დაჯდეს. შემდეგ, რაც არ უნდა ვთვალოთ, არაფერს აზრი აღარ ექნება. მათ არჩევნები წინასწარ აქვთ გაყალბებული. გადაწყვიტეს, რომ აღარ გარისკონ. ამ სისტემის შეცვლას ერთად უნდა მივაღწიოთ, ჩვენ არ გვჭირდება რომ ერთმანეთთან სხვადასხვა პარტიები და პოლიტიკური ჯგუფები თუ პიროვნებები დავაქორწინოთ, პოლიტიკაში ვინც არიან. ჩვენ გვჭირდება, რომ ამ სისტემის შეცვლას ერთობლივი ქმედებებით მივაღწიოთ. მივაღწიოთ იმას, რომ ევროკავშირმა არჩევნების მონიტორინგი მოახდინოს, ევროკავშირმა მოახდინოს ხმების დათვლაში პირდაპირი ჩართვა და მონაწილეობა.

მიუხედავად იმისა, როგორც არ უნდა შეეცადოთ ჩემს გაჩუმებას, იქნება ეს კლინიკაში, ციხეში, თუ სასამართლო სხვადასხვა განჩინების დროს, მთავარია, რომ საქართველოში ვარ და აქტიურად ვაპირებ, საქართველოს გადარჩენის პროცესში ვიყო ჩართული. ჩვენ ვართ აბსოლუტური უმრავლესობა საქართველოში. მე ამ ადამიანების, ჩვენი ადამიანების სითბოს, თანადგომას ყოველდღიურად ვგრძნობ. ჩვენ არ შევალახვინებთ ჩვენი ხალხის ღირსებას არჩევნების მოპარვით და გაყალბებით, სადაც არ უნდა ვიყოთ ჭორვილაში, სადაც ამას წინათ, აქტივისტები იყვნენ, ბათუმში, ოზურგეთში, წალენჯიხაში, გალში, თბილისში თუ კახეთში“,- განაცხადა მიხეილ სააკაშვილმა.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო