ირაკლი კობახიძე - მიღებაზე აშშ-ის ახალი ელჩის სიტყვის შემდეგ ზურაბ ჯაფარიძემ და ელენე ხოშტარიამ ტაში არ დაუკრეს - მათ აღიზიანებთ ნებისმიერი ქმედება, რომელიც ქართულ-ამერიკული ურთიერთობების გაღრმავებისკენ არის მიმართული

„ქართული ოცნების“ თავმჯდომარის, ირაკლი კობახიძის განცხადებით, ოპოზიცია გაღიზიანებულია იმის გამო, რომ აშშ-ს ახალ ელჩს, რობინ დანიგანს განსხვავებული დამოკიდებულება აქვს ქართულ-ამერიკული ურთიერთობების მიმართ.

კობახიძის თქმით, ოპოზიციას მოსწონდა ქართულ-ამერიკული ურთიერთობის ის დინამიკა, რომელიც იყო მანამდე და არ მოსწონთ ის პოზიტიური დინამიკა, რომელიც არის დღეს.

„ამ “ენჯეოების“ და რადიკალური ოპოზიციის მიზნები ერთმანეთისგან არ განსხვავდება. გაღიზიანებული არიან იმის გამო, რომ აშშ-ს ახალ ელჩს განსხვავებული დამოკიდებულება აქვს ქართულ-ამერიკული ურთიერთობების მიმართ.

ერთი დეტალი მინდა გავიხსენო: ჩვენ ვესწრებოდით ახალი ელჩის სახელით გამართულ მიღებას, სადაც ელჩმა საზოგადოებას სიტყვით მიმართა და, რა თქმა უნდა, მისი სიტყვის შემდეგ ყველამ ტაში დავუკარით. იქ იყვნენ რადიკალური ოპოზიციის წარმომადგენლები: ზურაბ ჯაფარიძე და ელენე ხოშტარია, რომლებმაც ტაში არ დაუკრეს, ეს აჩვენებს დამოკიდებულებას. მათ აღიზიანებთ ნებისმიერი ქმედება, მათ შორის, ამერიკის ელჩის მხრიდან, რომელიც ქართულ-ამერიკული ურთიერთობების გაღრმავებისკენ არის მიმართული. მათ მოსწონდათ ის დინამიკა, რომელიც იყო მანამდე და არ მოსწონთ ის პოზიტიური დინამიკა, რომელიც დღეს არის ამ ურთიერთობებში“,- განაცხადა კობახიძემ.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო