გურამ მაჭარაშვილი - ოპოზიციას ემიგრანტებში არჩევნების ელექტრონული წესით ჩატარება კი არა, ახტალის ვანებიც აღარ უშველის - ვანები მათ იმაში დაეხმარებათ, რომ არჩევნების პირწმინდად წაგებას შეაგუებს

ოპოზიციას ემიგრანტებში არჩევნების ელექტრონული წესით ჩატარება კი არა, ახტალის ვანებიც აღარ უშველის - ვანები მათ იმაში დაეხმარებათ, რომ არჩევნების პირწმინდად წაგებას შეაგუებს, - ასე ეხმაურება „სტრატეგია აღმაშენებლის“ ლიდერის გიორგი ვაშაძის მოთხოვნას უმრავლესობის დეპუტატი გურამ მაჭარაშვილი.

მაჭარაშვილი ოპოზიციას ურჩევს, „მოდუნდნენ და არჩევნების წაგებას შეეგუონ“.

„ელექტრონულ არჩევნებს ხან აგინებენ, ხან ამბობენ, რომ დემოკრატიის შუქურაა, ხან დამანგრეველია დემოკრატიისთვის. მათი რეალური განცდაა, რომ არჩევნები წააგეს და უნდათ, ხან ემიგრანტებს ჩაებღაუჭონ, ხან რადიკალიზმის სხვა სეგმენტი შემოაგდონ. ოპოზიციას არაფერი უშველის გარდა იმისა, რომ ტაქტიკა შეცვალოს და საკანონმდებლო საქმიანობის ნაცვლად, ლანძღვა-გინებით არ იყვნენ დაკავებული.

ელექტრონული არჩევნები როგორიც არ უნდა იყოს - ონლაინ, პირდაპირ თუ როგორიც არის საქართველოში, რომელიც პარტნიორებმა მოიწონეს, მათ ეს არ უშველით.

რაც შეეხება ემიგრანტებს, მათ შესაძლებლობა აქვთ, არჩევნებში მონაწილეობა მიიღონ და ამ საკითხზე ემიგრანტებში არანაირი პრეტენზია არ ყოფილა, რომ მონაწილეობა უნდოდათ და ვერ მიიღეს. მონაწილეობას ძალით ვერავის მივაღებინებთ. თუ სურთ მონაწილეობა, გამორიცხულია რაიმე პრობლემა გქონდეს“, - განაცხადა გურამ მაჭარაშვილმა.

ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო