დავით მათიკაშვილი - მგონი, დროა, ნიანგის ცრემლებით ტირილს მორჩნენ ის პატიმრები, ვინც სამართლიანად არიან დაწესებულებაში იმ დანაშაულებიდან გამომდინარე, რომელმაც გააკვირვა მთლიანად მსოფლიოს საზოგადოება

მგონი, დროა, ნიანგის ცრემლებით ტირილს მორჩნენ ის პატიმრები, ვინც სამართლიანად არიან დაწესებულებაში იმ დანაშაულებიდან გამომდინარე, რომელმაც გააკვირვა მთლიანად მსოფლიო საზოგადოება, - ამის შესახებ საპარლამენტო უმრავლესობის წევრმა, დავით მათიკაშვილმა ჟურნალისტებთან განაცხადა, რითაც მიხეილ სააკაშვილის განცხადებას გამოეხმაურა.

მისი თქმით, თუ სააკაშვილს სალომე ზურაბიშვილი შეიწყალებს, მან „ძალიან კარგად უნდა გაიგოს, რომ ყველა იმ დანაშაულზე პასუხისმგებელი და ყველა იმ დანაშაულის მონაწილე იქნება, რაც სააკაშვილმა და მისმა რეჟიმმა ჩაიდინა".

„სრულიად ზედმეტია ის, რასაც აკეთებს დღეს მსჯავრდებული პრეზიდენტი. პროექტი, რომლითაც მზაობა იყო მის მეგობრებში როგორც ქვეყნის შიგნით, ისე გარეთ, დამნაშავე სააკაშვილი გამოეხსნათ ციხიდან, ჩავარდა. საზოგადოებამ კარგად დაინახა ტყუილები, რითაც სააკაშვილი ცდილობდა საკუთარი მდგომარეობის გამართლებას. ეს ყველაფერი ახლა არის ფსკერს ქვემოთ დაშვება და კიდევ ერთხელ მეტყველებს მის განწყობაზე, რომ მოქალაქეთა წინაშე პასუხისმგებლობით კი არ მოეკიდოს მის მიერ ჩადენილ ქმედებებს, არამედ როგორმე დაძვრეს ამ პასუხისმგებლობიდან. ალბათ, მაგ იმედით შემოძვრა ის კონტეინერით ქვეყანაში. რაც შეეხება სალომე ზურაბიშვილს, მან თქვა ერთხელ „არა, არასდროს“ და მე არ მგონია ასე მოხდეს, მაგრამ დღეს თუკი ის შეცვლის ამ გადაწყვეტილებას, ძალიან კარგად უნდა გაიგოს, რომ ყველა იმ დანაშაულზე პასუხისმგებელი და ყველა იმ დანაშაულის მონაწილე იქნება, რაც სააკაშვილმა და მისმა რეჟიმმა ჩაიდინა",- განაცხადა მათიკაშვილმა.

ინფორმაციისთვის, მიხეილ სააკაშვილის განცხადებით, სალომე ზურაბიშვილს შეუძლია ერთი ხელის მოწერით დაუბრუნოს მის შვილებს მამა და „რაც მთავარია, აღადგინოს საქართველოში პოლიტიკური ბალანსი“.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024