ირანი რუსულ გამანადგურებლებს და ვერტმფრენებს შეიძენს, - ამის შესახებ ინფორმაციას ირანის თავდაცვის მინისტრის მოადგილე, მეჰდი ფარაჰი ავრცელებს.

„ირანის შეიარაღებული ძალების საბრძოლო დანაყოფებისთვის "სუ-35" გამანადგურებლების და "მი-28" ვერტმფრენების შეძენის გეგმები ფინალურ სტადიაზეა. ახლა მათი ირანისთვის გადმოცემის შესაბამისი პროცესი მიმდინარეობს“, - განაცხადა მეჰდი ფარაჰიმ.

რუსული მხარე ირანისთვის გამადგურებლების გადაცემის შესახებ გავრცელებულ ინფორმაციას ჯერჯერობით არ ადასტურებს.

ცნობისთვის, 2018 წელს ირანმა განაცხადა, რომ ადგილობრივი დიზაინის გამანადგურებელი Kowsar-ის წარმოებას იწყებდა.