ამერიკულმა ხომალდმა ჰუსიტების მიერ კონტროლირებადი იემენის ტერიტორიიდან გაშვებული საფრენი აპარატი ჩამოაგდო, - ამის შესახებ ინფორმაციას აშშ-ის ცენტრალური სარდლობა ავრცელებს.

„აშშ-ის საზღვაო ძალების გამანადგურებელმა Mason-მა ჰუსიტების მიერ კონტროლირებადი ტერიტორიებიდან გაშვებული საფრენი აპარატი მას შემდეგ ჩამოაგდო, რაც დაჯგუფება კომერციულ ხომალდს, Ardmore Encounter-ს დაესხა თავს“, - წერს აშშ-ის ცენტრალური სარდლობა X-ზე (ყოფილი „ტვიტერი“).

აშშ-ის ცენტრალური სარდლობის ცნობით, ჰუსიტების შეტევის შედეგად ხომალდი და მასზე მომუშავე პერსონალი არ დაზიანებულა.