პოლონეთის პრემიერ-მინისტრის დონალდ ტუსკის განცხადებით, უკრაინის ბლოკადა მალე შეწყდება. ამის შესახებ მან პრესკონფერენციაზე განაცხადა.

“ახლოს ვართ რწმენასთან, რომ ჩვენმა ქმედებებმა შესაძლოა შედეგი მოიტანოს, როგორც მოლაპარაკებებზე კიევში, ასევე ბრიუსელშიც [უკრაინის საზღვრის ბლოკადის შეწყვეტის შესახებ]”, - განაცხადა ტუსკმა.

“არა მგონია, რომ მაქსიმუმს მივაღწევთ, რომელიც სატვირთო მანქანების მძღოლებს სურთ, მაგრამ ისე ჩანს, რომ ის, რაც შესაძლებელია მიღწეულ იქნას, საშუალებას მოგვცემს მოვიხსნათ ემოციები და საზღვარზე ბლოკადა მოვხსნათ”, - აღნიშნა ტუსკმა.

შეგახსენებთ, კვირას პოლონელმა ფერმერებმა ერთ-ერთ სასაზღვრო პუნქტზე საპროტესტო აქცია შეწყვიტეს, თუმცა სატვირთო მანქანების მძღოლები დანარჩენი სამი სასაზღვრო პუნქტის ბლოკადას აგრძელებენ.

ცნობისთვის, პოლონელი გადამზიდველების ბლოკადა 6 ნოემბრიდან გრძელდება. ისინი უკრაინული კომპანიებისთვის კომერციული ნებართვების შემოღებას ითხოვენ.