მარნეულში ტრადიციული საშობაო სადღესასწაულო მსვლელობა, ალილო გაიმართა
მარნეულში ტრადიციული საშობაო სადღესასწაულო მსვლელობა ალილო გაიმართა. ამის შესახებ ინფორმაციას მარნეულის მუნიციპალიტეტის მერია ავრცელებს.
მათივე ცნობით, მსვლელობა, მარნეულის დავით აღმაშენებლის სახელობის საკათედრო ტაძრიდან დაიწყო, რომელსაც მარნეულისა და ჰუჯაბის ეპარქიის ეპისკოპოსი მეუფე, გიორგი ჯამდელიანი უძღვებოდა.
„საზეიმო მსვლელობაში მარნეულის მუნიციპალიტეტის ადგილობრივი თვითმმართველობის ხელმძღვანელი პირები, თანამშრომლები, სასულიერო პირები, ეკლესიის მრევლი და მოქალაქეები მონაწილეობდნენ.
ქრისტეს შობის მახარობლებმა, საშობაო გალობის თანხლებით, ნობათის შესაგროვებლად ქალაქის ცენტრალური ქუჩა ფეხით გაიარეს.
აღსანიშნავია, რომ მუნიციპალიტეტის ინიციატივით ალილოს მონაწილეებს სხვადასხვა სახის ნობათი გადაეცათ, რომლებიც სოციალურად დაუცველ ოჯახებს დაურიგდებათ.
საქართველოში ალილოს ტრადიცია V-VI საუკუნეებიდან იღებს სათავეს“,- აღნიშნულია ინფორმაციაში.
