რუსულმა ძალებმა უკრაინას დღეს 51 რაკეტითა და 8 დრონით შეუტიეს, - ამის შესახებ უკრაინის შეიარაღებული ძალების მთავარსარდალმა, ვალერი ზალუჟნიმ განაცხადა.

მისი თქმით, მტრის არსენალში შედიოდა ფრთოსანი, ბალისტიკური, მართვადი საზენიტო რაკეტები და დრონები.

ვალერი ზალუჟნის ინფორმაციით, უკრაინელებმა 18 რაკეტა და 8 დრონი გაანადგურეს.

„ჩვენმა დამცველებმა Shahed-136/131 ტიპის 8 უპილოტო საფრენი აპარატი და Х-101/Х-555/Х-55 ტიპის 18 ფრთოსანი რაკეტა გაანადგურეს“, - აღნიშნა უკრაინის შეიარაღებული ძალების მთავარსარდალმა.

მისი თქმით, რუსებმა რაკეტები და დრონები 4 ოლქის, ხარკოვის, დნიპროს, ზაპოროჟიესა და ხმელნიცკის მიმართულებით გაუშვეს.