გია ვოლსკი - რასაც გორბაჩოვის ყოფილი მოკავშირე კუბილიუსი ლაპარაკობს ყოველგვარი მორალისგან არის დაცლილი - დავით კეზერაშვილის ფრთის ქვეშ გაერთიანებულ რადიკალურ ოპოზიციაში კუბილიუსს გარკვეული ლიდერის როლი უკავია

რასაც გორბაჩოვის ყოფილი მოკავშირე კუბილიუსი ლაპარაკობს ყოველგვარი მორალისგან არის დაცლილი - დავით კეზერაშვილის ფრთის ქვეშ გაერთიანებულ რადიკალურ ოპოზიციაში კუბილიუსს გარკვეული ლიდერის როლი უკავია, - ასე პასუხობს „ქართული ოცნების“ ერთ-ერთი ლიდერი გია ვოლსკი ევროპარლამენტარ ანდიურს კუბილიუსს, რომლის განცხადებით, ბიძინა ივანიშვილს პარტიაში ოფიციალური თანამდებობა სანქციებისგან ვერ დაიცავს.

ვოლსკის შეფასებით, „ბიძინა ივანიშვილის გამოჩენა კუბილიუსებში გარკვეულ ისტერიკას იწვევს“.

მისივე თქმით, კუბილიუსის განცხადებები ფასეული არ არის.

„დიდი ალბათობით ანდრიუს კუბილიუსი, ისევე როგორც ზოგიერთი პოლიტიკური სუბიექტი საქართველოში ფინანსდება და მხარდაჭერილია დავით კეზერაშვილისგან, რომელმაც ქონება საქართველოს ბიუჯეტის ძარცვის ხარჯზე იშოვა და არსებობს სერიოზული ეჭვები, რომ ფულის შოვნას ევროპელი პენსიონერების ძარცვით განაგრძობს. კუბილიუსი, ისევე როგორც ლევან ხაბეიშვილი იმ დღის წესრიგში ჯდება, რასაც დავით კეზერაშვილი ვანო მერაბიშვილთან ერთად ქმნის. ეს ერთი გუნდია, ერთი სისტემაა, ერთი სტრუქტურაა და ამ სტრუქტურიდან გადმოძახილი, რა ენაზეც არ უნდა იყოს, ერთ კონტექსტშია განსახილველი. რაც შეეხება ბიძინა ივანიშვილს ჩვენ არასდროს დაგვიმალავს ის, რომ არ უნდა გამოვრიცხოთ, რომ ყოფილ პრემიერ მინისტრს, რომელმაც კონკრეტული პოლიტიკური გუნდი შექმნა, ამ გუნდის გარკვეულ ლიდერებთან გარკვეულ თემაზე კონტაქტი ჰქონდეს, იყოს მასთან შეკითხვის ან კონსულტაციის საჭიროება, მაგრამ ეს მონაწილეობა ძალიან ლიმიტირებულია. არასდროს ბიძინა ივანიშვილს არ დაუშვია, რომ ეხელმძღვანელა მთავრობისთვის, პარტიისთვის ან პარლამენტისთვის მიეცა გარკვეული მითითებები“, - განაცხადა გია ვოლსკიმ.

ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
„პერსონალურ მონაცემთა დაცვის შესახებ“ ახალი კანონი ამოქმედდა - რა სიახლეები შემოდის პერსონალურ მონაცემთა დაცვის სფეროში?
ქართული პრესის მიმოხილვა 29.02.2024
საქართველოს უნივერსიტეტმა 100 000-ლარიანი ფონდის გამარჯვებული პირველკურსელები გამოავლინა
ბერლინის ფილარმონიული ორკესტრის ევროპაკონცერტი წინანდალში
საერთაშორისოდ ცნობილი ბრენდები ევროპროდუქტში