„ჰამასის“ მიერ აყვანილი მძევლების გათავისუფლების შესახებ ეგვიპტეში მოლაპარაკებების ახალი ეტაპი გაიმართება, - ამის შესახებ ინფორმაციას Associated Press-ი ეგვიპტურ წყაროზე დაყრდნობით ავრცელებს.

Associated Press-ის ცნობით, დღეს, ისრაელის დელეგაცია კაიროში ჩავიდა და მძევლების გათავისუფლების შესახებ ახალი შეთანხმების მისაღწევად მოლაპარაკებებს გამართავს.

შეგახსენებთ, რომ გასული წლის ნოემბერში, ერთკვირიანი ცეცხლის შეწყვეტის შეთანხმების დროს „ჰამასმა“ მძევლების დაახლოებით ნახევარი გაათავისუფლა.