Bild-ის სტატია რუსეთსა და ნატო-ს შორის ომის შესახებ სასწავლო სცენარს ეხება. ამის შესახებ ნატო-ს სტრატეგიული კომუნიკაციების ცენტრის დირექტორმა, იანის სარტსმა განაცხადა.

„Bild-მა სასწავლო სცენარი მოიპოვა, რომელიც სამხედრო შესაძლებლობების გამოსაცდელად ყოველთვის წარმოსახვით სიტუაციას ეხება. ადრე მსგავსი სცენარები არარსებულ სახელმწიფოებსა და გეოგრაფიას აღწერდა, დღეს რეალური ქვეყნები უფრო ხშირად გამოიყენება“, - წერს იანის სარტსი X-ზე (ყოფილი „ტვიტერი“).

Bild-ის მიერ გამოქვეყნებულ სტატიას გერმანიის თავდაცვის სამინისტროს პრესსამსახურის წარმომადგენელი, მიტკო მიულერი გამოეხმაურა და აღნიშნა, რომ ბუნდესვერის საქმიანობა (გერმანიის შეიარაღებული ძალები) უსაფრთხოების აქტუალურ საფრთხეებს ეხება.

„პრინციპში, მედიაში გავრცელებულ ამ ცნობას, მე ვერც დავადასტურებ და ვერც უარვყოფ“, - აღნიშნა მიტკო მიულერმა.

ცნობისთვის, Bild-მა ბუნდესვერის საიდუმლო დოკუმენტზე დაყრდნობით გაავრცელა ინფორმაცია, რომელიც ეტაპობრივად აღწერს, თუ როგორ შეიძლება განვითარდეს სამხედრო კონფლიქტი რუსეთსა და ნატო-ს შორის.