სოფო ჯაფარიძე - მთავრობისგან უყურადღებოდ დატოვებულ ონკოლოგიურ პაციენტებს ისე სჭირდებათ ჩვენი გვერდში დგომა, როგორც არასდროს - კვირას გელოდებით პარლამენტთან

დღეს უნდა ვიდგეთ აქ, მთავრობისგან უყურადღებოდ დატოვებულ ონკოლოგიური პაციენტების გვერდით, მათ ისე სჭირდებათ ჩვენი გვერდში დგომა, როგორც არასდროს. კვირას, 14:00 საათზე, გელოდებით პარლამენტთან, - ამის შესახებ საქართველოს ყოფილი პრეზიდენტის მიხეილ სააკაშვილის წარმომადგენელმა სოფო ჯაფარიძემ განაცხადა.

ის ონკოლოგიურ პაციენტებს შეხვდა. სოფო ჯაფარიძის თქმით, დღეს ონკოპაციენტები ხელისუფლების მხრიდან მიტოვებულები და მოტყუებულები არიან.

„ჩვენ ვითხოვთ სიცოცხლის უფლებას. ძალიან დიდი ხანია ონკოპაციენტები სახელმწიფოსგან ითხოვენ ხელმისაწვდომ ჯანდაცვას და ითხოვენ ხელმისაწვდომ მკურნალობას. მათ მიიღეს დაპირება, რომელიც, სამწუხაროდ, აღმოჩნდა ტყუილი და საუბედუროდ, ჩვენმა ხელისუფლებამ კიდევ ერთხელ მოატყუა ჩვენი მოქალაქეები. ეს არის ძალიან არაადამიანური დამოკიდებულება ჩვენი მოქალაქეების მიმართ. სახელმწიფოს გულგრილობამ აიძულა ონკოპაციენტები, რომ იბრძოლონ თავიანთი ოჯახის წევრების სიცოცხლის უფლებისთვის. დღეს, როდესაც ეს ადამიანები ისედაც ძალიან მძიმე და რთული მკურნალობის გზას გადიან, მათ არ უნდა უწევდეთ კარდაკარ სიარული იმისათვის, რომ მიიღონ მათთვის და თავიანთი ოჯახის წევრებისთვის ჯანმრთელობისა და სიცოცხლის უფლება. დღეს ისინი არიან სახელმწიფოსგან სრულიად მიტოვებულები და მოტყუებულები, სამწუხაროდ. მათ როდესაც მიიღეს პირობა, რომ ექნებოდათ სრული მკურნალობა უფასოდ, აღმოჩნდა, რომ თურმე უფასო მკურნალობა გულისხმობს შემდეგს - 25 ათას ლარიან ლიმიტს, რომელიც ძალიან ბევრი ონკოპაციენტისთვის 2-3 თვისთვისაც კი არ არის საკმარისი. მათ პრობლემები აქვთ კვლევებზე და აქვთ ძალიან ბევრი პრობლემა. დავუდგეთ ამ ადამიანებს გვერდით, დავუდგეთ ყველა! აქ აღარ აქვს აღარაფერს მნიშვნელობა, თუ ვის რა და როგორი პოლიტიკური შეხედულება თუ გემოვნება აქვს. ჩვენ დღეს უნდა ვიდგეთ აქ ამ ადამიანების გვერდით, მათ ისე სჭირდებათ ჩვენი გვერდში დგომა, როგორც არასდროს. კვირას, 14:00 საათზე, გელოდებით პარლამენტთან.“- განაცხადა სოფო ჯაფარიძემ.

სოფო ჯაფარიძის განცხადებას „ნაციონალური მოძრაობა“ ავრცელებს.

გიორგი კაჭარავა - უკრაინაში ომის მეორე წლისთავზე საქართველოსთვის ცხადად ჩანს, რომ ევროკავშირის და ნატო-ს წევრობა უალტერნატივოა ეროვნული უსაფრთხოებისა და კეთილდღეობისთვის
ბავშვთა მიმართ სექსუალური ხასიათის დანაშაულები და მასთან დაკავშირებული პრობლემები - როგორ ამოვიცნოთ მოძალადე და როგორ უნდა დაეხმაროს მშობელი შვილს მომხდარის გადატანაში? - ფსიქოლოგის რეკომენდაციები
ქართული პრესის მიმოხილვა 22.02.2024
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას
ალექსანდრე ჯეჯელავა საუბრობს 8 ცხოვრებისეულ მოლოდინზე, რომელიც ხშირად განგრევთ
სილქნეტის მაღაზიებში „National Geographic საქართველოს“ სპეციალურ ფასად შეიძენთ