იტალიის პრემიერ-მინისტრი ჯორჯია მელონი და საფრანგეთის პრეზიდენტი ემანუელ მაკრონი ევროკავშირის სამიტის წინ ვიქტორ ორბანს შეხვდნენ.

ამის შესახებ ინფორმაციას უნგრეთის პრემიერ-მინისტრის პრესსამსახურის ხელმძღვანელი, ბერტალან ჰავასი ავრცელებს.

იტალიის პრემიერ-მინისტრთან შეხვედრა ვიქტორ ორბანმაც დაადასტურა და „ფეისბუქზე“ ჯორჯია მელონთან ერთად გადაღებული ფოტო გამოაქვეყნა.

ბრიუსელში დღეს ევროკავშირის სპეციალური სამიტი გაიმართება, რომელზეც ევროკავშირის ლიდერები უკრაინისთვის 50 მილიარდი ევროს გამოყოფის საკითხს განიხილავენ.

ვიქტორ ორბანმა, გასულ შაბათს განაცხადა, რომ უკრაინისთვის 50 მილიარდი ევროს გამოყოფის შესახებ ბუდაპეშტმა ევროკავშირს კომპრომისული შეთანხმება გაუგზავნა.