საქართველოს გენერალურმა პროკურორმა ირაკლი შოთაძემ ხაშურის რაიონული პროკურატურის თანამედროვე სტანდარტების შესაბამისი, განახლებული შენობა გახსნა. ინფორმაციას პროკურატურის პრესსამსახური ავრცელებს.

მათი ინფორმაციით, ირაკლი შოთაძემ ხაშურის რაიონულ პროკურატურაში დასრულებული სარემონტო სამუშაოები დაათვალიერა და თანამშრომლებს პროფესიულ საქმიანობაში წარმატებები უსურვა.

„ხაშურის რაიონული პროკურატურის შენობის რეაბილიტაცია ევროპული სტანდარტით განხორციელდა, მასში განთავსებულია სათანადო ტექნიკური მოწყობილობებით აღჭურვილი, არასრულწლოვნებზე მორგებული გამოკითხვის ოთახი და შშმ პირებისთვის ადაპტირებული გარემო.

ღონისძიებას საქართველოს გენერალური პროკურორის მოადგილე გიორგი გაბიტაშვილი, შიდა ქართლისა და მცხეთა-მთიანეთის საოლქო პროკურატურის და ხაშურის რაიონული პროკურატურის წარმომადგენლები ესწრებოდნენ“, - აღნიშნულია ინფორმაციაში.