ადვოკატი - შეიძლება პროცესის დრამატურგია და პათოსი არ ქმნიდა იმის შთაბეჭდილებას, რომ საქმე ჩამოიშალა, მაგრამ შინაარსობრივი თვალსაზრისით, თეიმურაზ ჯანაშიას მიმართ დღეს პროკურორები ბრალდებას უკან უნდა ითხოვდნენ

შეიძლება პროცესის დრამატურგია და პათოსი არ ქმნიდა იმის შთაბეჭდილებას, რომ საქმე ჩამოიშალა, მაგრამ შინაარსობრივი თვალსაზრისით, თეიმურაზ ჯანაშიას მიმართ დღეს პროკურორები ბრალდებას უკან უნდა ითხოვდნენ, - ამის შესახებ მიხეილ სააკაშვილის ადვოკატმა ბექა ბასილაიამ სასამართლო პროცესის დასრულების შემდეგ განაცხადა.

მან სდსს-ის ყოფილი უფროსის, თემურ მღებრიშვილის ჩვენებაზეც ისაუბრა და აღნიშნა, რომ მოწმის თქმით, თანამდებობის პირთა ბრძანებები, განკარგულებები შესასრულებლად სავალდებულო იყო.

„ბატონმა მღებრიშვილმა ძალიან მკაფიოდ ისაუბრა, რომ როგორც ედუარდ შევარდნაძის, როგორც მიხეილ სააკაშვილის პრეზიდენტობისას და ნებისმიერი პრემიერის დროს, რომელსაც სახელმწიფო დაცვის სპეციალური სამსახური ექვემდებარებოდა, სამსახურისთვის უმაღლესი თანამდებობის პირთა ბრძანებები, განკარგულებები შესასრულებლად სავალდებულო იყო, არ ახსენდება არც ერთი შემთხვევა, არც შევარდნაძის პერიოდში, არც სააკაშვილის, არც „ოცნების“ პერიოდში, სამსახურს რომ არ შეესრულებინა რომელიმე ბრძანება ან განკარგულება. უფრო მეტიც, მან თქვა ასეთი ფრაზა - არ მახსენდება, რომ ასეთ გადაცდომას ჰქონოდა ადგილიო, ანუ რომ არ შესრულებულიყო, სამსახურის მხრიდან გადაცდომა იქნებოდა. მას პროცესზე ვკითხე, არსებობს თუ არა რაიმე კრიტერიუმი, რამე წესი, რომელიც ადგენს სამსახურის უფლებამოსილება შეაფასოს ამა თუ იმ ბრძანების კანონიერება-არაკანონიერების შესახებ, რაზეც მან პასუხი ვერ გამცა, რომ მსგავსი წესი არსებობს. შესაბამისად, უკანონოა თუ არა გადაწყვეტილება, გემოვნების საკითხი არ უნდა იყოს, უნდა არსებობდეს წესი, ასეთი წესი არ არსებობს, რომელიც თეიმურაზ ჯანაშიას დარღვეული აქვს. როცა ხარჯის ბუნებაზე ვსაუბრობთ, მას ანზორ ჩუბინიძის ხელმძღვანელობის პერიოდის დოკუმენტაცია წარვუდგინე, მათ შორის, განკარგულება, საბანკო ამონაწერები, სადაც ჩანს, რომ ანზორ ჩუბინიძე ბიძინა ივანიშვილის პრემიერ-მინისტრობის დროს, ზუსტად იმ ხარჯს გასწევს, რაზეც ქალბატონი პროკურორი კითხვას სვამდა - ჯანმრთელობის, კვების მომსახურებაზე. თუ 2013 წლის თებერვლამდე ასეთი ხარჯი უკანონო იყო, 26 თებერვლის შემდეგ კანონიერი როგორ გახდა? თუ „ოცნებას“ მიაჩნია, რომ სააკაშვილმა მარტში, აპრილში, ივნისში, ჯანმრთელობაზე, კვებაზე რაც დახარჯა სისხლისსამართლებრივად შესაფასებელი არაა, წინა პერიოდს რატომ აფასებს ასე? რაც შეეხება მიხეილ სააკაშვილს, მან თავის სიტყვაში ვრცლად ისაუბრა, თუ რა მიზანს ემსახურებოდა ხარჯების გასაიდუმლოება“,- განაცხადა ბასილაიამ.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 18.07.2024
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის