უკრაინის საჰაერო ძალების მეთაური - გუშინ, რუსმა პილოტებმა მოახერხეს ჩვენი რაკეტების თავიდან აცილება, მაგრამ ეს ყოველთვის ასე არ იქნება, ამიტომ, ოკუპანტებს ვურჩევ, ყოველი ფრენის წინ მოინახულონ ახლობლები!

უკრაინელმა სამხედროებმა აღმოსავლეთის მიმართულებით რუსული „სუ-34“ ტიპის მოიერიშე-ბომბდამშენი ჩამოაგდეს, - ინფორმაციას უკრაინული მედია შეიარაღებული ძალების საჰაერო ძალების მეთაურზე, ნიკოლაი ოლეშჩუკზე დაყრდნობით ავრცელებს.

„გუშინ, რუსმა პილოტებმა მოახერხეს ჩვენი რაკეტების თავიდან აცილება, მაგრამ ეს ყოველთვის ასე არ იქნება! ამიტომ, ოკუპანტებს ვურჩევ, ყოველი ფრენის წინ მოინახულონ ახლობლები, ყოველი შემთხვევისთვის, რადგან ვინ იცის, ამჯერად გაგიმართლებთ თუ არა,“ - თქვა ოლეშჩუკმა.

შეგახსენებთ, 23 თებერვალს უკრაინელმა მებრძოლებმა აზოვის ზღვის თავზე რუსული A-50 ტიპის თვითმფრინავი ჩამოაგდეს, რის შემდეგაც უკრაინის თავდაცვის სამინისტროს მთავარი სადაზვერვო სამმართველოს ხელმძღვანელმა, კირილ ბუდანოვმა განაცხადა, რომ რუსეთს A-50 ტიპის შორი რადიოლოკაციური აღმოჩენის მხოლოდ 6 თვითმფრინავი დარჩა. მანამდე, უკრაინის შეიარაღებულმა ძალებმა ხუთ დღეში 7 ბომბდამშენის - ხუთი „სუ-34“ ტიპისა და ორი „სუ-35“ ტიპის - ჩამოგდება მოახერხეს.

ნატა საბანაძე -  ჩვენი კანონი იმიტომაა „რუსული“, რომ ის ებრძვის დასავლეთს და მის მხარდაჭერას, მისი სამიზნე დასავლეთია, „ქართული ოცნება“, რუსეთის მსგავსად აღიარებს, რომ დასავლეთი მისი მტერია
ლევან დოლიძე - იმ ნაბიჯებზე ფოკუსირების ნაცვლად, რამაც უკვე შემდგომი პროგრესი უნდა მოგვიტანოს, ჩვენ თავად ვქმნით ახალ ბარიერებს ევროკავშირისკენ მიმავალ გზაზე
ქართული პრესის მიმოხილვა 15.04.2024
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია