თბილისში აქცია “ელიავას ბაღის დასაბრუნებლად” გაიმართა

“ელიავას ბაღის დასაბრუნებლად” - ამ სახელწოდებით მოძრაობა “ჩემი ქალაქი მკლავს” ორგანიზებით, თბილისში, ე.წ. “ელიავას ბაზრობის” მიმდებარედ აქცია გაიმართა.

აქციის მონაწილეები ითხოვენ, რომ ე.წ. “ელიავას ბაზრობის” მიმდებარე ტერიტორიაზე განთავსებული რეკრეციალური ზონა, რომელიც კერძო მფლობელის საკუთრებაა, მერიამ გამოისყიდოს.

გარდა ამისა, მათ ადგილზე ხელმოწერები შეაგროვეს, რომელსაც თბილისის მერიაში უახლოეს დღებში შეიტანენ. ისინი აღნიშნული ხელმოწერებით ითხოვენ, საინიციატივო ჯგუფი შეიქმნას და ტერიტორიას პირვანდელი სახე დაუბრუნდეს, კერძოდ, არსებული სივრცის გამოსყიდვა მოხდეს და რეკრეაციული პარკი მოეწყოს.

“ეს სივრცე, სადაც ჩვენ ვიმყოფებით რეკრეაციული ზონის სტატუსი აქვს. ეს ავტომობილების საპარგინგე სივრცე გახადეს. ე.წ. “ელივას ბაზრობის” ტერიტორია უკან არის, ეს არ არის “ელიავას” ბაზრობის ტერიტორია და აქ არ არის სავაჭრო სივრცე, ეს არის უბრალოდ რეკრეაციული ზონის სტატუსის მქონე, რომელიც უნდათ, რომ ნელ-ნელა აითვისონ. ჩვენი მოთხოვნა არის, რომ ქალაქ თბილისის მერიამ გამოისყიდოს, ეს კონკრეტული სივრცე, ქალაქს დაუბრუნდეს და რეკრეაციული პარკი გაკეთდეს. ასევე, უბანში არის სხვადასხვა პატარ-პატარა პრობლემები, რომელიც მოსაწესრიგებელია. ამდენი წლის განმავლობაში შესაბამისი სამსახურების მხრიდან არავითარი რეაგირება არ ხდება.

თბილისის მერიასთან კომუნიკაცია გვინდა, ვისაც ევალება, რომ ქალაქში არსებული პრობლემები იდენტიფიცირება, მოგვარება მოახდინოს. ასევე, სამუშაო ჯგუფი შეიქმნას და სივრცე გამოისყიდოს”, - განაცხადა მოძრაობა “ჩემი ქალაქი მკლავს” დამფუძნებელმა, გიორგი ჯაფარიძემ.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე