ჩინეთის საგარეო საქმეთა სამინისტრო ვლადიმერ პუტინს საპრეზიდენტო არჩევნებში გამარჯვებას ულოცავს და იმედს გამოთქვამს, რომ ჩინეთსა და რუსეთს შორის ურთიერთობები განვითარდება, - ამის შესახებ ინფორმაციას რუსული მედია ავრცელებს.

„ჩინეთი გამოხატავს მილოცვას ამის გამო, დარწმუნებული ვართ, რომ პრეზიდენტ სი ძინპინისა და პრეზიდენტ ვლადიმერ პუტინის სტრატეგიული ხელმძღვანელობით რუსეთ-ჩინეთის ურთიერთობები განვითარებას განაგრძობს“, - ციტირებს რუსული მედია ჩინეთის საგარეო უწყების პრესსპიკერს, ჩჟაო ლიცზიანს.

შეგახსენებთ, რუსეთში საპრეზიდენტო არჩევნები 15-17 მარტს გაიმართა. ქვეყნის ცენტრალური საარჩევნო კომისიის ინფორმაციით, ბიულეტენების 99.7%-ის დათვლის შემდეგ, არჩევნებში ვლადიმერ პუტინი ხმების 87.31%-ით ლიდერობს.