რომან გოცირიძე - „ქართულმა ოცნებამ“ ევროკავშირს რეკომენდაციები თავზე გადაახია

ფაქტობრივად, „ქართულმა ოცნებამ“ თავზე გადაახია ევროკავშირს რეკომენდაციები, ვენეციის კომისიას თავისი დასკვნა და იღებენ ისეთ კანონს, რომელიც პირდაპირ მორგებულია მათ პოლიტიკურ ინტერესებზე - შეიძლება ითქვას, რომ ეს არის უარის თქმა ევროკავშირის რეკომენდაციებზე , - ამის შესახებ "ევროოპტიმისტების" დეპუტატმა, რომან გოცირიძემ "საარჩევნო კოდექსში" შესატან ცვლილებებზე საუბრისას განაცხადა.

მისივე თქმით, "ქართული ოცნება" არანაირი რეკომენდაციების გათვალისწინებას არ აპირებს.

"ნაცვლად იმისა, რომ დღეს არსებული მდგომარეობა გაუმჯობესდეს, ფაქტობრივად, "ქართულმა ოცნებამ" თავზე გადაახია ევროკავშირს რეკომენდაციები, ვენეციის კომისიას თავისი დასკვნა და იღებენ ისეთ კანონს, რომელიც პირდაპირ მორგებულია "ქართული ოცნების" პოლიტიკურ ინტერესებზე, როდესაც ნებისმიერი გადაწყვეტილების მიღება შეეძლება ოპოზიციისა და პრეზიდენტის მონაწილეობის გარეშე. ეს ფაქტობრივად, არის გზავნილი ევროკავშირისადმი, რომ ისინი არ აპირებენ ისეთი რეკომენდაციების შესრულებას, რომელიც თუნდაც იოტისოდენად შეარბილებს ძალაუფლების შენარჩუნების ბერკეტებს, რომ მათთვის მთავარი და მნიშვნელოვანია ძალაუფლების შენარჩუნება და არა ქვეყანაზე ზრუნვა და ევროკავშირში სწრაფი გაწევრიანების პროცესის მხარდაჭერა. შეიძლება ითქვას, რომ ეს არის უარის თქმა ევროკავშირის რეკომენდაციებზე," - განაცხადა გოცირიძემ.

გიორგი ანთაძე - მინიმალური დემოკრატიული სტანდარტებიც კი საფრთხეშია
ქართული პრესის მიმოხილვა 06.02.2025
თბილისის საერთაშორისო სტანდარტის ყინულის არენაზე, "ბაკურიანი 2025"-ის ფარგლებში, ყინულის ჰოკეიში მოასპარეზე გოგონათა გუნდების ოფიციალური ვარჯიში გაიმართა
„საქკაბელმა“ ჩეხეთის რესპუბლიკაში ექსპორტი განახორციელა
„ამბასადორი აილენდ ბათუმმა“ მეორე ნახევარკუნძულის მშენებლობა დაიწყო