„ჰამასის“ პოლიტბიუროს ხელმძღვანელი ირანს ეწვევა
„ჰამასის“ პოლიტბიუროს ხელმძღვანელი ირანს ეწვევა, - ამის შესახებ ინფორმაციას ირანის ოფიციალური საინფორმაციო სააგენტო IRNA ავრცელებს.
„ისმაილ ჰანიე, სამშაბათს თეირანში მოგზაურობის დროს ირანის საგარეო საქმეთა მინისტრს, ჰოსეინ ამირ-აბდოლაჰიანს შეხვდება“, - აცხადებს IRNA.
ირანის საგარეო საქმეთა სამინისტროს სპიკერმა, ნასერ ქანაანმა ღაზაში ცეცხლის შეწყვეტის შესახებ გაერო-ს უშიშროების საბჭოს მიერ მიღებულ რეზოლუციას პოზიტიური ნაბიჯი უწოდა.
ცნობისთვის, „ჰამასის“ პოლიტბიუროს ხელმძღვანელი ბოლოს ირანში გასული წლის ნოემბერში იმყოფებოდა.
