პარტია „ლელოს“ პოლიტსაბჭოს თავმჯდომარემ, ბადრი ჯაფარიძემ სამების საკათედრო ტაძარში საქართველოს ტერიტორიული მთლიანობისთვის დაღუპული მეომრებისა და მოქალაქეების ხსოვნას პატივი მიაგო.

როგორც მან აღნიშნა, ოკუპაცია დღესაც გრძელდება.

„ყველას უნდა გვახსოვდეს ის ტრაგედია, რომელიც აფხაზეთში მოხდა და რომლის შედეგებს დღემდე ვიმკით, ოკუპაცია გრძელდება.

დღეს ჩვენ მოვედით, რომ ქართველ გმირებს პატივი მივაგოთ. ამ ადამიანებმა მსხვერპლი სწორედ იმიტომ გაიღეს, რომ ჩვენი ქვეყნის ტერიტორიული მთლიანობის რღვევას არასოდეს შევეგუოთ“, - აცხადებს ბადრი ჯაფარიძე, რომლის კომენტარსაც “ლელო“ ავრცელებს.

ცნობისთვის, 1992-93 წლებში საქართველოს ტერიტორიული მთლიანობისთვის დაღუპული მეომრების და მოქალაქეების 12 ნეშტი სამების საკათედრო ტაძარში გადმოასვენეს.