აჯიბადემის უნივერსიტეტის წარმომადგენლები თსუ-ს ეწვივნენ

თურქეთში მიღწეული შეთანხმების შედეგად, აჯიბადემის უნივერსიტეტის დელეგაცია ნეიროქირურგიის დეპარტამენტის ხელმძღვანელის, პროფესორ მემეთ ოზეკის ხელმძღვანელობით თსუ-ს ეწვია.

თბილისის სახელმწიფო უნივერსიტეტის ინფორმაციით, რექტორის, აკადემიკოს ჯაბა სამუშიას თურქეთში, აჯიბადემის უნივერსიტეტში თებერვალში ვიზიტის დროს თსუ-სა და აჯიბადემის უნივერსიტეტს შორის თანამშრომლობის შესაძლებლობების განხილვის შედეგად, ამ ორ უნივერსიტეტს შორის უფრო მჭიდრო ურთიერთობა დაიგეგმა.

„თსუ-ს რექტორის მოადგილის ერეკლე ასტახიშვილთან, თსუ-ს მედიცინის ფაკულტეტის დეკანის მაია ბიწკინაშვილთან და ფაკულტეტის წარმომადგენლებთან შეხვედრაზე საუბარი შეეხო აჯიბადემის საუნივერსიტეტო ჰოსპიტალში თსუ-ს სტუდენტებისა და პროფესორ-მასწავლებლების სტაჟირების საკითხს. ორივე უნივერსიტეტის მედიცინის მიმართულების წარმომადგენლები შეთანხმდნენ, რომ გაიზიარებდნენ ერთმანეთის გამოცდილებას როგორც სამედიცინო პრაქტიკის, ასევე, აკადემიურ ნაწილში.

აჯიბადემის უნივერსიტეტი, რომელიც მაღალტექნოლოგიური სასწავლო და კვლევითი ინფრასტრუქტურით გამოირჩევა 2007 წელს დაარსდა და დღემდე, დინამიკური და თანამედროვე საგანმანათლებლო პროგრამების გამოყენებით, პროფესორ-მასწავლებელთა მაღალკვალიფიციურ გუნდთან ერთად, ამზადებს ჯანდაცვის მომავალ სპეციალისტებს“, - ნათქვამია ინფორმაციაში.

ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო