რელიგიის საკითხთა სახელმწიფო სააგენტო შიიტ მუსლიმ თემს კადრის ღამის დღესასწაულს ულოცავს, სიკეთეს და მათ მშვიდობას უსურვებს.

„29/31 მარტსა და 2 აპრილს შიიტი მუსლიმები ერთ-ერთ მნიშვნელოვან დღესასწაულს, კადრის ღამეს აღნიშნავენ, რომელიც მარხვის თვის, რამადანის ერთ-ერთი ბოლო ღამეა. მუსლიმური გადმოცემით, სწორედ ამ ღამეს გარდმოევლინა წინასწარმეტყველ მუჰამედს ღვთიური წიგნის, ყურანის პირველი აიები. მუსლიმები ცდილობენ, ეს ღამე ლოცვაში გაატარონ, რადგან იგი ცოდვების მიტევების, მოწყალების, სულიერი სიმშვიდის ღამეა“,-ნათქვამია რელიგიის საკითხთა სააგენტოს მილოცვაში.