კათოლიკური, სომეხთა და ლუთერული ეკლესიები აღდგომას ზეიმობენ
რელიგიის საკითხთა სახელმწიფო სააგენტო კათოლიკურ ეკლესიას, სომეხთა სამოციქულო მართლმადიდებელი ეკლესიის საქართველოს ეპარქიას და საქართველოს ევანგელურ-ლუთერული ეკლესიას აღდგომას ულოცავს.
„დღეს უდიდეს ქრისტიანულ დღესასწაულს, იესო ქრისტეს ბრწყინვალე აღდგომას ზეიმობენ კათოლიკური ეკლესია, სომეხთა სამოციქულო მართლმადიდებელი ეკლესიის საქართველოს ეპარქია და საქართველოს ევანგელურ-ლუთერული ეკლესია. აღდგომა სიცოცხლის, იმედის, ცოდვათა დამარცხებისა და სულიერი ამაღლების დღესასწაულია.
რელიგიის საკითხთა სახელმწიფო სააგენტო გილოცავთ ქრისტეს ბრწყინვალე აღდგომას, სიკეთეს, სიხარულს და მშვიდობას გისურვებთ. ქრისტე აღდგა“,- აღნიშნულია ინფორმაციაში.
