რომის პაპი - მშვიდობა არასოდეს მიიღწევა იარაღით
რომის პაპმა ფრანცისკემ სააღდგომო მიმართვის დროს უკრაინასა და ახლო აღმოსავლეთში მიმდინარე კონფლიქტებზეც ისაუბრა და ხაზი გაუსვა, რომ აუცილებელია რუსეთსა და უკრაინას შორის ომის ტყვეების გაცვლა და ასევე, ღაზის სექტორში ცეცხლის შეწყვეტა.
"მშვიდობა არასოდეს მიიღწევა იარაღით, ის მიიღწევა გაშლილი ხელებითა და ღია გულით", - აღნიშნა რომის პაპმა.
მისი თქმით, ფიქრობს უკრაინასა და ღაზის სექტორის მოსახლეობაზე და ყველაზე, ვინც ომის წინაშეა. განსაკუთრებით იმ ბავშვებზე, რომლებსაც, მისი თქმით, დაავიწყდათ ღიმილი.
„საერთაშორისო სამართლის პრინციპების პატივისცემის მოწოდებისას გამოვთქვამ იმედს რუსეთსა და უკრაინას შორის ყველა პატიმრის საერთო გაცვლის შესახებ: ყველა ყველასთვის“, - აღნიშნა რომის პაპმა.
